ചാത്തന്നൂര്‍: കൂട്ടുകാരനെ വധൂഗൃഹത്തിലെത്തിച്ച് സന്തോഷത്തോടെ തിരിച്ചുവന്നത് മരണത്തിലേക്ക്. നടയ്‌ക്കല്‍ സ്വദേശിയായ യുവാവിന്റെ കല്യാണം കഴിഞ്ഞു തിരുവനന്തപുരത്ത് വധുവിന്റെ വീട്ടിലാക്കി മടങ്ങി വരുംവഴിയാണ് കൂട്ടുകാരായ മൂവരും സഞ്ചരിച്ച വാഹനത്തില്‍ പാല്‍വണ്ടി ഇടിച്ചു അപകടം ഉണ്ടായത്. വരന്റെ ബന്ധു കൂടിയായ അസീമിന്റെ വാഹനത്തിലാണ് എട്ടംഗ സംഘം തിരുവനന്തപുരത്തേക്ക് പോയത്. തിരിച്ചു വരുമ്പോഴാണ് അപകടം ഉണ്ടായത്.
അസീം ബിജെപി പ്രവര്‍ത്തകനും ന്യൂനപക്ഷ മോര്‍ച്ച ചാത്തന്നൂര്‍ നിയോജകമണ്ഡലം വൈസ് പ്രസിഡന്റുമാണ്. കല്ലുവാതുക്കലില്‍ സൂപ്പര്‍മാര്‍ക്കറ്റ് നടത്തുന്ന അസീമിന്റെ പിതാവ് കല്ലുവാതുക്കലിലെ പ്രമുഖ വ്യാപാരിയാണ്. കുറച്ചുകാലം വിദേശത്ത് ജോലി നോക്കിയ മനേഷ് വിദേശത്ത് നിന്നും വന്ന് പാരിപ്പള്ളിയില്‍ ഹാര്‍ഡ്‌വെയര്‍ കടയില്‍ ജീവനക്കാരനാണ്. ഒപ്പം ഉണ്ടായിരുന്ന പ്രിന്‍സ് രണ്ട് വര്‍ഷം മുന്‍പ് വിദേശത്ത് നിന്നും വന്ന് ഇവിടെ ഡ്രൈവര്‍ ആയി ജോലി നോക്കുകയായിരുന്നു.
പ്രതികരിക്കാൻ ഇവിടെ എഴുതുക: