ബെംഗളൂരു: ശിവവിഗ്രഹത്തില്‍ ചവിട്ടി ടിക് ടോക് വീഡിയോ ചിത്രീകരിച്ച നാലു യുവാക്കള്‍ അറസ്റ്റില്‍. മതവികാരം വ്രണപ്പെടുത്തിയതിനാണ് ബന്ത്വാള്‍ പോലീസ് കേസെടുത്തിരിക്കുന്നത്. ബന്ത്വാള്‍ സജിപനാട് സ്വദേശികളായ മസൂദ് (20), അസീം (20), അബ്ദുള്‍ ലത്തീഫ് (20), അര്‍ഫസ് (20) എന്നിവരാണ് അറസ്റ്റിലായത്.
കാഞ്ചിനഡ്ക പടവ് ഗ്രൗണ്ടിലെ ശ്മശാനത്തില്‍ അതിക്രമിച്ച് കയറി സംഘം ശിവവിഗ്രഹത്തില്‍ ചെരിപ്പിട്ട് ചവിട്ടി ടിക്‌ടോക് വീഡിയോ ചിത്രീകരിക്കുകയും അത് സാമൂഹ്യ മാധ്യമങ്ങളിലൂടെ പ്രചരിപ്പിക്കുകയും ചെയ്തു.
ഇതു വൈറലായതോടെ വലിയ പ്രതിഷേധം ഉയര്‍ന്നു. തുടര്‍ന്ന് രുദ്ര ഭൂമി കമ്മറ്റി പ്രസിഡന്റ് യെശ്വവന്ത് ദെരാജെ നല്‍കിയ പരാതിയില്‍ പോലീസ് കേസ് രജിസ്റ്റര്‍ ചെയ്ത ശേഷം നാലുപേരെയും അറസ്റ്റു ചെയ്തു.
പ്രതികരിക്കാൻ ഇവിടെ എഴുതുക: