കൊയിലാണ്ടി: കുറുവങ്ങാട് കുനിയില് പുഷ്പാകരന്റെ മകന് അനന്തുവിനും കൊരയങ്ങാട് പൊതുവാന്കണ്ടി സദാനന്ദന്റെ മകള് അയനക്കും ഓണ്ലൈന് പഠനത്തിനായി സേവാഭാരതി ടിവി നല്കി.
ഓണ്ലൈന് പഠനം ആരംഭിച്ചതോടെ ടിവി ഇല്ലാത്തതിനാല് സേവാഭാരതിയെ സമീപിക്കുകയായിരുന്നു. ഇരുവരുടെയും വീട് സന്ദര്ശിച്ച ശേഷം സേവാഭാരതി പ്രവര്ത്തകര് ടിവി എത്തിക്കുകയായിരുന്നു. കൊരയങ്ങാട് നടന്ന പരിപാടിയില് റിട്ട. എസ്ഐ അശോകന് ചാലില് അയനയ്ക്ക് ടിവി കൈമാറി. കുറുവങ്ങാട് നടന്ന പരിപാടിയില് വി.കെ.മുകുന്ദന് അനന്തുവിന് ടിവി നല്കി.
സേവാഭാരതി സെക്രട്ടറി കെ.എം. രജി, ശ്രീലു പൂക്കാട്, മധു കുറുവങ്ങാട്, മുകന്ദന് കുറുവങ്ങാട്, അതുല് എസ്.എസ്, ശിവ പ്രസാദ്, ശ്യാം ബാബു, മുരളി, കെ.കെ.വിനോദ്, എ.എസ്. അഭിലാഷ്, എം.വി.സജിത്ത് തുടങ്ങിയവര് പങ്കെടുത്തു,
