കൊല്ലം: കാക്കത്തോപ്പിന് സമീപം പുത്തനഴികത്ത് രണ്ടു മരങ്ങള്‍ക്കിടയിലായി പട്ടത്തിന്റെ ചരടില്‍ കുരുങ്ങിയ പരുന്തിന് രക്ഷകരായി അഗ്‌നിശമനസേന. ഇന്നലെ വൈകിട്ട് മൂന്നിനായിരുന്നു രക്ഷാപ്രവര്‍ത്തനം.
ചരടില്‍ കുടുങ്ങി മണിക്കൂറുകളോളം ജീവനുവേണ്ടി പിടഞ്ഞ പരുന്തിനെ കണ്ട നാട്ടുകാര്‍ കടപ്പാക്കട അഗ്‌നിശമന സേനയെ അറിയിക്കുകയായിരുന്നു. സ്ഥലത്തെത്തിയ സേന തോട്ടി ഉപയോഗിച്ചു ചരട് പൊട്ടിച്ചു. പറക്കാന്‍ പറ്റാത്ത അവസ്ഥയില്‍ നിലത്തുവീണ പരുന്തിന് ആവശ്യമായ ശുശ്രൂഷകള്‍ നല്കി പിന്നീട് പറത്തി വിട്ടു.
അസിസ്റ്റന്റ് സ്‌റ്റേഷന്‍ ഓഫീസര്‍ ലാല്‍ജീവിന്റെ നേതൃത്വത്തില്‍ ഫയര്‍ ഓഫീസര്‍മാരായ വിമല്‍ കുമാര്‍, ഷിബു മുരളി, ശ്രീകുമാര്‍, സ്മിതിന്‍ കുമാര്‍, ശരത്കുമാര്‍, ഭദ്രന്‍ എന്നിവരടങ്ങിയ സേനാ ടീം ആണ് രക്ഷാപ്രവര്‍ത്തനം നടത്തിയത്.
പ്രതികരിക്കാൻ ഇവിടെ എഴുതുക: