കാസര്‍കോട്: കാസര്‍കോട് ജില്ലയില്‍ നാല് പേര്‍ക്ക് കൂടി കോവിഡ് 19 പോസിറ്റീവായി. മഹാരാഷ്‌ട്രയില്‍ നിന്ന് വന്ന രണ്ട് വനിതകള്‍ക്കും വിദേശത്ത് നിന്നെത്തിയ രണ്ട് പുരുഷന്മാര്‍ക്കുമാണ് കോവിഡ് സ്ഥിരീകരിച്ചതെന്ന് ജില്ലാ മെഡിക്കല്‍ ഓഫീസര്‍ എ.വി രാംദാസ് അറിയിച്ചു.
നിലവില്‍ ജില്ലയില്‍ ചികിത്സയിലുള്ളവരുടെ എണ്ണം 106 ആണ്. ജൂണ്‍ ഒന്നിന് മഹാരാഷ്‌ട്രയില്‍ നിന്ന് ബസിന് വന്ന 44, 45 വയസുള്ള മംഗല്‍പാടി സ്വദേശിനികള്‍, മെയ് 28 ന് ദുബായില്‍ നിന്നെത്തിയ 49 വയസുള്ള ചെമ്മനാട് സ്വദേശി, ജൂണ്‍ ആറിന് കുവൈത്തില്‍ നിന്നെത്തിയ 36 വയസുള്ള മടിക്കൈ സ്വദേശി എന്നിവര്‍ക്കാണ് കോവിഡ് പോസിറ്റീവായത്.
ജൂണ്‍ നാലിന് കോവിഡ് സ്ഥിരീകരിച്ച രണ്ട് പേര്‍ക്ക് ഇന്നലെ കോവിഡ് നെഗറ്റീവായി. പരിയാരം മെഡിക്കല്‍ കോളേജില്‍ കോവിഡ് ചികിത്സയിലുണ്ടായിരുന്ന ദുബായില്‍ നിന്നെത്തിയ 21 വയസുള്ള ചെമ്മനാട് സ്വദേശിനിയ്‌ക്കും പടന്നക്കാട് കോവിഡ് ചികിത്സാ കേന്ദ്രത്തില്‍ ചികിത്സയിലായിരുന്ന മഹാരാഷ്ടട്രയില്‍ നിന്നെത്തിയ 38 വയസുള്ള വലിയപറമ്പ സദേശിക്കും രോഗം ഭേദമായി.
വീടുകളില്‍ 3220 പേരും ആശുപത്രികളില്‍ 358 പേരുമുള്‍പ്പെടെ 3578 പേരാണ് ജില്ലയില്‍ നിരീക്ഷണത്തിലുള്ളത്. പുതിയതായി 268 പേരുടെ സാമ്പിളുകള്‍ പരിശോധനയ്‌ക്ക് അയച്ചു. ആശുപത്രികളിലും കോവിഡ് കെയര്‍ സെന്ററുകളിലുമായി പുതിയതായി 39 പേരെ നിരീക്ഷണത്തില്‍ പ്രവേശിപ്പിച്ചു. വീടുകളില്‍ 314 പേരെയും നിരീക്ഷണത്തിലാക്കി. 518 പേരുടെ പരിശോധനാ ഫലം ലഭിക്കാനുണ്ട്. 322 പേര് നിരീക്ഷണ കാലയളവ് പൂര്‍ത്തിയാക്കി.
പ്രതികരിക്കാൻ ഇവിടെ എഴുതുക: