കണ്ണൂര്: ടി.പി. വധക്കേസ് പ്രതിയും കണ്ണൂര് പാനൂരിലെ സിപിഎം നേതാവിന്റെ സംസ്കാര ചടങ്ങുകള് നടത്തിയത് കൊറോണ ലോക്ഡൗണ് നിര്ദ്ദേശങ്ങള് പാലിക്കാതെ. വൈറസ് രോഗബാധയുടെ പശ്ചാത്തലത്തില് സാമൂഹിക അകലം പാലിക്കണമെന്ന് കര്ശ്ശന നിര്ദ്ദേശങ്ങള് കേന്ദ്ര സംസ്ഥാന സര്ക്കാരുകള് നിര്ദ്ദേശിച്ചിട്ടുള്ളതാണ്.
എന്നാല് സിപിഎമ്മിന്റെ നേതാക്കളില് ഒരാളായിരുന്ന വ്യക്തിയുടെ തന്നെ സംസ്കാര ചടങ്ങുകളില് നിയന്ത്രണങ്ങളില് കാറ്റില് പറത്തുകയായിരുന്നു. സാമൂഹിക അകലം പാലിക്കാതെ നൂറ് കണക്കിന് ആളുകളാണ് പാനൂരിലെ നടന്ന സംസ്കാര ചടങ്ങുകളില് പങ്കെടുത്തത്.
സാമൂഹിക അകലം പാലിക്കണമെന്ന സംസ്ഥാന സര്ക്കാര് നിര്ദ്ദേശം ഇവിടെ ഒരുതരത്തിലും പാലിക്കാതെയാണ് പാനൂരില് പി.കെ.കുഞ്ഞനന്തന്റെ സംസ്കാര ചടങ്ങുകള് നടത്തിയത്. സംസ്കാരത്തിന് മുന്നിലായി വിലാപയാത്രയും സംഘടിപ്പിച്ചു. സിപിഎം മുതിര്ന്ന നോതാക്കളും ഈ സംസ്കാര ചടങ്ങുകളില് പങ്കെടുത്തിട്ടുണ്ട്. ഇതിനെതിരെ കടുത്ത വിമര്ശനങ്ങളാണ് ഉയരുന്നത്.
