കൊല്ലങ്കോട്: ചെന്നൈയില് മരിച്ചയാളുടെ മൃതദേഹം കൊറോണ പരിശോധന നടത്താതെ സംസ്കരിച്ച സംഭവത്തില് ജില്ലാ കളക്ടര് അന്വേഷണത്തിന് ഉത്തരവി്ട്ടു. മരിച്ചയാളുടെ ഭാര്യക്ക് കൊറോണ സ്ഥിരീകരിച്ചതോടെയാണ് അന്വേഷണത്തിന് ഉത്തരവിട്ടത്.
ചെന്നൈയില് ചായക്കടയില് ജോലി ചെയ്തിരുന്ന എലവഞ്ചേരി സ്വദേശി (52) മെയ് 22നാണ് മരിച്ചത്. തുടര്ന്ന് മൃതദേഹം എലവഞ്ചേരിയിലെ വാതക ശ്മശാനത്തിലാണ് സംസ്കരിച്ചത്. തുടര്ന്ന് ഭാര്യക്ക് കൊറോണ സ്ഥിരീകരിച്ചതോടെ സംസ്കാര ചടങ്ങില് പങ്കെടുത്ത 16 പേര് നിരീക്ഷണത്തിലാവുകയായിരുന്നു.
വാളയാര്ചെക്ക്പോസ്റ്റില് മതിയായ പരിശോധനയില്ലാതെയാണ് മൃതദേഹം കടത്തിവിട്ടത്. സംഭവത്തില് ഉദ്യോഗസ്ഥരുടെ വീഴ്ച്ചയാണോ എന്നറിയാനാണ് അന്വോഷണത്തിന് ഉത്തരവിട്ടത്. മൃതദേഹം സംസ്കരിച്ച എലവഞ്ചേരിയിലെ തൂറ്റിപ്പാടം വാതകശ്മശാനം തല്ക്കാലത്തേക്ക് അടച്ചിട്ടു.
