ഏറ്റുമാനൂര്‍: നീണ്ടൂരില്‍ നിയന്ത്രണംവിട്ട കാറ് മരത്തിലേക്ക് ഇടിച്ചു കയറി രണ്ട് പേര്‍ക്ക് പരിക്ക്. കോട്ടയം സ്വദേശിയായ പുതുമണ്ണേല്‍ മിഥുന്‍ (18) അയ്മനം മാടേപള്ളി ബിനില്‍ (32) എന്നിവര്‍ക്കാണ് നിസ്സാരമായി പരിക്കേറ്റത്. കൂടെ ഉണ്ടായിരുന്ന സുഹൃത്തുക്കളായ മൂന്ന് പേര്‍ പരിക്ക് എല്‍ക്കാതെ രക്ഷപ്പെട്ടു.
ഇന്നു പുലര്‍ച്ചെ ഒരു മണിയോടെ നീണ്ടൂര്‍ പുഞ്ചവയല്‍ക്കാറ്റിന് സമീപമായിരുന്നു അപകടം. ചേര്‍ത്തലയില്‍ ഒരു മാമോദീസ ചടങ്ങില്‍ പങ്കെടുത്ത ശേഷം മടങ്ങുന്നതിനിടയിലാണ് അപകടം സംഭവിച്ചത്. ഡ്രൈവര്‍ ഉറങ്ങി പോയതാകാം അപകടക്കാരണമെന്ന് ഏറ്റുമാനൂര്‍ പോലീസ് പറഞ്ഞു. കാര്‍ മരത്തിന് മുകളിലേക്ക് ഇടിച്ച കയറിയ നിലയിലായിരുന്നു.പരിക്കേറ്റവരെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
പ്രതികരിക്കാൻ ഇവിടെ എഴുതുക: