ചാത്തന്നൂര്‍: പാരിപ്പള്ളി, ചാവര്‍കോട് വാര്‍ഡില്‍ സിപിഎമ്മിന്റെയും പോഷകസംഘടനയായ മഹിളാസംഘത്തിന്റെയും സജീവ പ്രവര്‍ത്തകര്‍ ബിജെപിയില്‍ ചേര്‍ന്നു. ചാവര്‍കോട് ബ്രാഞ്ച് കമ്മിറ്റി അംഗം സൂര്യദാസിന്റെയും മഹിളാസംഘം നേതാവ് സിനി സുനിലിന്റെയും നേതൃത്വത്തിലാണ് പത്തോളം പ്രവര്‍ത്തകര്‍ സിപിഎം വിട്ട് ബിജെപിയില്‍ ചേര്‍ന്നത്.
ബിജെപി നിയോജക മണ്ഡലം പ്രസിഡന്റ് എസ്. പ്രശാന്ത് സിപിഎം വിട്ടുവന്നവരെ ബിജെപിയിലേക്ക് സ്വാഗതം ചെയ്തു. ബിജെപി ജില്ലാ കമ്മിറ്റി അംഗവും മുന്‍ കല്ലുവാതുക്കല്‍ പഞ്ചായത്ത് പ്രസിഡന്റുമായ സുലത ശിവപ്രസാദ്, പാരിപ്പള്ളി ഏരിയ ജനറല്‍ സെക്രട്ടറി സുഗുണന്‍, സുരേഷ്ചന്ദ്രന്‍, വേലായുധന്‍, സിമി എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: