തിരുവനന്തപുരം: മാമോദിസയുടെ പേരില്‍ പിഞ്ചുകുഞ്ഞിനോട് വൈദികന്റെ കൊടുംക്രൂരത. സോഷ്യല്‍മീഡയയില്‍ പ്രചരിക്കുന്ന ഒരു വീഡിയോ ഏതു പള്ളിയിലെത് എന്ന് വ്യക്തമല്ല. കല്ലുകൊണ്ട് നിര്‍മിച്ച ഒരു ചെറിയ പാത്രത്തില്‍ നിറച്ചിരിക്കുന്ന വെള്ളത്തിലേക്ക് കുഞ്ഞിനെ അതിവേഗതയില്‍ തലയടക്കം മൂന്നു പ്രാവശ്യം മുക്കിയെടുക്കുന്നത് വീഡിയോയില്‍ വ്യക്തമാണ്. കുഞ്ഞിനെ വൈദികന് കൈമാറിയ മാതാപിതാക്കള്‍ ഇതു കണ്ട് ചിരിക്കുന്നുണ്ടെങ്കിലും തൊട്ടടുത്ത് നില്‍ക്കുന്ന ബന്ധുവായ യുവതി വൈദികന്റെ കൃത്യം കണ്ട് ഭയത്തോടെ മാറുന്നതും ദൃശ്യങ്ങളില്‍ നിന്ന് വ്യക്തമാണ്.
ചടങ്ങിന്റെ ഭാഗമായി കുട്ടികളുടെ ശിരസില്‍ മാമോദിസ വെള്ളം തളിക്കുകയോ അല്ലെങ്കില്‍ കുറച്ചു വെള്ളം ഒഴിക്കുകയോ ആണ് പതിവ്. ചിലയിടത്ത് കുഞ്ഞിനെ പതുക്കെ മുക്കിയെടുക്കാറുമുണ്ട്. എന്നാല്‍, വേഗത്തില്‍ കല്ലുകൊണ്ട് നിര്‍മിച്ച വെള്ളത്തില്‍ കുഞ്ഞിനെ മുക്കിയതിനാല്‍ കുഞ്ഞ് അലമുറയിടുന്നുണ്ട്. കുഞ്ഞിന്റെ ശിരസ് കല്ലില്‍ തട്ടാതെ പോകുന്നത് തലനാരിഴയ്‌ക്കാണ്. ദൃശ്യങ്ങള്‍ പുറത്തുവന്നതോടെ വൈദികനും മാതാപിതാക്കള്‍ക്കുമെതിരേ കേസ് എടുക്കണമെന്നാണ് സോഷ്യല്‍മീഡിയയില്‍ ഉയരുന്ന ആവശ്യം. നടന്‍ അജു വര്‍ഗീസും ഈ വീഡിയോ ഷെയര്‍ ചെയ്തിട്ടുണ്ട്.
പ്രതികരിക്കാൻ ഇവിടെ എഴുതുക: