കോഴിക്കോട്: കോവിഡ് 19 പ്രതിരോധപ്രവര്‍ത്തനങ്ങളുടെ ഭാഗമായി ഭക്തര്‍ക്ക് ക്ഷേത്രങ്ങളില്‍ പ്രവേശിക്കുന്നതിന് ഏര്‍പ്പെടുത്തിയ നിയന്ത്രണങ്ങള്‍ സര്‍ക്കാര്‍ നീക്കിയെങ്കിലും നഗരത്തിലെയും ജില്ലയിലെയും മിക്കവാറും ക്ഷേത്രങ്ങളില്‍ നിയന്ത്രണം തുടരുന്നു.
കോവിഡ് – 19 വ്യാപനത്തിന്റെ തോത് വര്‍ദ്ധിച്ചതും സര്‍ക്കാര്‍ ഏര്‍പ്പെടുത്തിയ നിയന്ത്രണങ്ങള്‍ പാലിച്ച് പ്രവേശനം അനുവദിക്കാനാവില്ലെന്നതിനാലുമാണ് ഭക്തര്‍ക്കുള്ള നിയന്ത്രണം തുടരുന്നത്. സാമൂതിരി ദേവസ്വം, കേരളക്ഷേത്ര സംരക്ഷണസമിതി, വിഎച്ച്പി എന്നിവയ്‌ക്കു കീഴിലുള്ള ക്ഷേത്രങ്ങളില്‍ ഭക്തര്‍ക്ക് ഏര്‍പ്പെടുത്തിയ നിയന്ത്രണങ്ങള്‍ തുടരുകയാണ്.
കോഴിക്കോട് ശ്രീകണ്‌ഠേശ്വരക്ഷേത്രത്തില്‍ ഇന്നലെ ഭക്തര്‍ക്ക് പ്രവേശനം അനുവദിച്ചു. കര്‍ശന നിയന്ത്രണങ്ങളോടെയായിരുന്നു അത്. നാലമ്പലത്തിനകത്തേക്ക് ഭക്തരെ പ്രവേശിപ്പിച്ചില്ല. കൂടാതെ സര്‍ക്കാര്‍ ഏര്‍പ്പെടുത്തിയ നിയന്ത്രണങ്ങളുമുണ്ടായിരുന്നു.
തളി ശിവക്ഷേത്രം, വളയനാട് ദേവീക്ഷേത്രം, കൊല്ലം പിഷാ രികാവ് ക്ഷേത്രം, വടകര ലോകനാര്‍കാവ് ക്ഷേത്രം, തളി ശ്രീ മഹാഗണപതി ശ്രീ ബാലസുബ്രഹ്മണ്യക്ഷേത്രം, കിളിപ്പറമ്പ് ദേവീ ക്ഷേത്രം, തായാട്ട് ഭഗവതി ക്ഷേത്രം, നെല്ലിക്കോട് വിഷ്ണു ക്ഷേത്രം, കോവൂര്‍ വിഷ്ണു ക്ഷേത്രം, തിരുവണ്ണൂര്‍ ശിവക്ഷേത്രം എന്നിവിടങ്ങളില്‍ ഭക്തര്‍ക്ക് ഏര്‍പ്പെടുത്തിയ നിയന്ത്രണങ്ങള്‍ തുടരുകയാണ്.
പ്രതികരിക്കാൻ ഇവിടെ എഴുതുക: