കൊച്ചി: സിപിഎമ്മിന് സമാന്തര പോലീസ്, കോടതി സംവിധാനങ്ങള്‍ ഉണ്ടെന്ന് പറഞ്ഞതിലൂടെ രാജ്യത്തെ നിയമ വ്യവസ്ഥയെ പരസ്യമായി വെല്ലുവിളിക്കുകയും അപമാനിക്കുകയും ചെയ്ത സംസ്ഥാന വനിതാ കമ്മീഷന്‍ ചെയര്‍പേഴ്‌സണ്‍ രാജിവയ്‌ക്കണമെന്ന് മഹിളാ ഐക്യവേദി ജില്ലാസമിതി ആവശ്യപ്പെട്ടു. വനിത കമ്മിഷന്റെ നിലപാടുകള്‍ സ്ത്രീ സമൂഹത്തിന് ഭീഷണിയും അപമാനവുമാണ്. ഇത്തരത്തിലുള്ള പ്രസ്താവന നടത്തിയ ജോസഫൈനെ എല്ലാ സ്ത്രീകളും ബഹിഷ്‌കരിക്കണമെന്നും യോഗം ആവശ്യപ്പെട്ടു.
ജില്ലാ പ്രസിഡന്റ് ഷിജ ബിജു അധ്യക്ഷയായി. വിഡിയോ കോണ്‍ഫറണ്‍സിലൂടെ ചേര്‍ന്ന യോഗത്തില്‍ സംസ്ഥാന വൈസ് പ്രസിഡന്റ് ഡോ. വിജയകുമാരി മാര്‍ഗ്ഗ നിര്‍ദ്ദേശം നല്‍കി. ജില്ല ജനറല്‍ സെക്രട്ടറി കബിത അനില്‍കുമാര്‍, ജില്ലാ വൈസ് പ്രസിഡന്റ് സുശീല മോഹന്‍, പത്മജ രവീന്ദ്രന്‍ അംബികഗോപി, ജില്ലാ സംയോജക് പി.സി. ബാബു, ഹിന്ദു ഐക്യവേദി സംഘടന സെക്രട്ടറി ശിവദാസ് എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: