കൊച്ചി: ജില്ലയില് ഇന്ന് മൂന്നുപേര്ക്ക് കൂടി കൊറോണ വൈറസ് ബാധ സ്ഥിരീകരിച്ചു. മെയ് 31 ന് നൈജീരിയ കൊച്ചി വിമാനത്തിലെത്തിയ 55 വയസ്സുള്ള ചെന്നൈ സ്വദേശിയാണ് രോഗം സ്ഥിരീകരിച്ച ഒന്നാമത്തെയാള്. മെയ് 26ന് കുവൈറ്റ്- കൊച്ചി വിമാനത്തിലെത്തിയ 35 വയസുള്ള എടത്തല സ്വദേശിനിയാണ് രോഗം സ്ഥിരീകരിച്ച രണ്ടാമത്തെയാള്.
ജൂണ് ഒന്നിന് അബുദാബി-കൊച്ചി വിമാനത്തിലെത്തിയ 27 വയസുള്ള തുറവൂര് അങ്കമാലി സ്വദേശിയാണ് രോഗം സ്ഥിരീകരിച്ച മൂന്നാമത്തെയാള്. ഇവരെല്ലാവരും തന്നെ സ്ഥാപന നിരീക്ഷണത്തിലായിരുന്നു. രോഗം സ്ഥിരീകരിച്ചതിനെ തുടര്ന്ന് കളമശേരി മെഡിക്കല് കോളേജില് പ്രവേശിപ്പിച്ചു.
ഇന്ന് 800 പേരെ കൂടി ജില്ലയില് പുതുതായി വീടുകളില് നിരീക്ഷണത്തിലാക്കി. നിരീക്ഷണ കാലയളവ് അവസാനിച്ച 341 പേരെ നിരീക്ഷണ പട്ടികയില് നിന്ന് ഒഴിവാക്കി. നിരീക്ഷണത്തില് ഉള്ളവരുടെ ആകെ എണ്ണം 10,814 ആണ്. ഇതില് 9,447 പേര് വീടുകളിലും, 566 പേര് കൊറോണ കെയര് സെന്ററുകളിലും, 801 പേര് പണം കൊടുത്തുപയോഗിക്കുന്ന സ്ഥാപനങ്ങളിലുമാണ്. ഇന്ന് ആറുപേരെ പുതുതായി ആശുപത്രിയില് നിരീക്ഷണത്തിനായി പ്രവേശിപ്പിച്ചു. കളമശേരി മെഡിക്കല് കോളേജില് നാലും സ്വകാര്യ ആശുപത്രികളില് രണ്ടും.
ജില്ലയിലെ ആശുപത്രികളില് കൊറോണ സ്ഥിരീകരിച്ച് ചികിത്സയില് കഴിയുന്നവരുടെ എണ്ണം 52 ആണ്. കളമശേരി മെഡിക്കല് കോളേജ്-47, സ്വകാര്യ ആശുപതി -1, ഐഎന്എച്ച്എസ് സഞ്ജീവനി 4. വിവിധ ആശുപ്രതികളില് നിരീക്ഷണത്തില് കഴിഞ്ഞിരുന്ന ആറുപേരെ ഇന്ന് ഡിസ്ചാര്ജ് ചെയ്തു. ജില്ലയില് വിവിധ ആശുപത്രികളിലായി 104 പേര് നിരീക്ഷണത്തിലുണ്ട്.
ഇന്നലെ ജില്ലയില് നിന്ന് 65 സാമ്പിളുകള് കൂടി പരിശോധനയ്ക്ക് അയച്ചു. ഇന്നലെ 123 പരിശോധന ഫലങ്ങളാണ് ലഭിച്ചത്. ഇനി 181 ഫലങ്ങള് ലഭിക്കാനുണ്ട്. ജില്ലാ സര്വൈലന്സ് യൂണിറ്റില് നിന്ന് ഇന്ന് നിരീക്ഷണത്തിലുള്ള 515 പേരെ നേരിട്ട് വിളിച്ച് ആരോഗ്യ വിവരങ്ങള് അന്വേഷിച്ചു.
വിദേശത്ത് നിന്നും മറ്റ് സംസ്ഥാനങ്ങളില് നിന്ന് തിരികെയെത്തി ജില്ലയിലെ കൊറോണ കെയര് സെന്ററുകളിലും വീടുകളിലും നിരീക്ഷണത്തില് കഴിയുന്നവര് ഇതില് ഉള്പ്പെടുന്നു. കൂടാതെ സംശയ നിവാരണത്തിനായി 51 ഫോണ് വിളികള് സര്വൈലന്സ് യൂണിറ്റിലേക്കും എത്തി.
പല്ലാരിമംഗലം സാമൂഹികാരോഗ്യ കേന്ദ്രത്തിലേയും നേര്യമംഗലം, പോത്താനിക്കാട്എ, കടവൂര് എന്നീ പ്രാഥമിക ആരോഗ്യകേന്ദ്രങ്ങളിലെ ഡോക്ടര് ഉള്പ്പെടെയുള്ള ആരോഗ്യ പ്രവര്ത്തകര് ഉള്പ്പെടെയുള്ള ജീവനക്കാര്ക്ക് വ്യക്തിഗത സുരക്ഷാ ഉപാധികള്, മാസ്ക്കുകളുടെ ശരിയായ ഉപയോഗം, ശരിയായ രീതിയില് കൈ കഴുകുന്ന രീതി, റിവേഴ്സ് ക്വാറന്റ്റൈന് തുടങ്ങിയ വിഷയങ്ങളില് പരിശീലനം നടത്തി.
