ആലുവ: ലോക്ഡൗണ് ഇളവുകളുടെ പശ്ചാത്തലത്തില് ക്ഷേത്രങ്ങളില് ആരാധന ആരംഭിക്കാമെങ്കിലും കൊറോണ രോഗവ്യാപനത്തിന്റെ പശ്ചാത്തലത്തില് ആലുവ അദ്വൈതാശ്രമത്തില് ജൂണ് 30 വരെ സന്ദര്ശകര്ക്ക് പ്രവേശനം ഉണ്ടാകില്ലെന്ന് സെക്രട്ടറി സ്വാമി ശിവസ്വരൂപാനന്ദ അറിയിച്ചു.
കൊറോണ വ്യാപനത്തെ സമൂഹം ഒറ്റക്കെട്ടായി നേരിടണം. നിയന്ത്രണങ്ങളോടെ ആരാധന നടത്താമെങ്കിലും അത് രോഗവ്യാപനത്തിന് വഴിവെയ്ക്കാന് സാധ്യതയുണ്ട്. സന്ദര്ശകര്ക്ക് അദ്വൈതാശ്രമത്തിലും ശിവഗിരിമഠത്തിന് കീഴിലുള്ള എല്ലാ ആശ്രമങ്ങളിലും വിലക്ക് തുടരും. സമാനമായ നിലപാടുകള് എല്ലാ ജാതിമത സംഘടനകളും ആത്മീയാചാര്യന്മാരും സ്വീകരിക്കണമെന്നും സ്വാമി അഭ്യര്ഥിച്ചു.
