കണ്ണൂര്‍: കണ്ണൂരില്‍ കോവിഡ് കാലത്തും സിപിഎം കാടത്തം. ആര്‍എസ്എസ് സഹോദരങ്ങള്‍ക്ക് വെട്ടേറ്റു. പാനൂര്‍ കൂറ്റേരിയിലെ ആര്‍എസ്എസ് പ്രവര്‍ത്തകരായ കുല്ലമ്പില്‍ താഴെ കുനിയില്‍ നിഖിലേഷ് (29) നെ വെട്ടി പരിക്കേല്‍പ്പിക്കുകയും, സഹോദരന്‍ മനീഷ് (27) നെ ക്രൂരമായി വെട്ടി പരിക്കേല്‍പ്പിച്ചത്. വൈകുന്നേരം അഞ്ചു മണിയോടെയാണ് സംഭവം. നിടുമ്പ്രം മുച്ചിലോട്ട് ഭഗവതി ക്ഷേത്ര പരിസരത്തുള്ള ബന്ധുവീട്ടില്‍ ജോലി ചെയ്യുന്നതിനിടെ എട്ടംഗം സിപിഎം അക്രമി സംഘം വീട്ടില്‍ കയറി അക്രമിക്കുകയായിരുന്നു.
വലതുകൈക്കും, മുഖത്തും പരിക്കേറ്റ നിഖിലേഷിനെ തലശേരി ഇന്ദിരാ സഹകരണ ആശുപത്രിയിലെ തീവ്രപരിചരണ വിഭാഗത്തിലേക്ക് മാറ്റി. മര്‍ദ്ദനമേറ്റ മനീഷും ആശുപത്രിയില്‍ ചികിത്സ തേടി. അച്ഛന്റെ സഹോദരന്റെ മകളുടെ കല്യാണത്തിനുള്ള ഒരുക്കങ്ങള്‍ക്കായി വീട് പെയിന്റ് ചെയ്യാന്‍ പോയതാണ് ഇരുവരും. ടി.പി. ചന്ദ്രശേഖരന്‍ വധത്തിലെ ശിക്ഷാതടവുകരായ കൊടി സുനിയുടെയും, മുഹമ്മദ് ഷാഫിയുടെയും പ്രദേശമാണിത്.
ഇവരുടെ സംഘാംഗങ്ങളാണ് അക്രമികള്‍ എന്നാണ് പ്രാഥമിക വിവരം. കോറോണ കാലത്തും അക്രമം നടത്തുന്ന സിപിഎം സംഘം മാനവകുലത്തിനു തന്നെ അപമാനമാണെന്ന് ബിജെപി ജില്ലാ പ്രസിഡണ്ട് എന്‍.ഹരിദാസ് കുറ്റപ്പെടുത്തി. അക്രമികളെയും, നേതൃത്വം കൊടുത്തവരെയും ഉടന്‍ അറസ്റ്റു ചെയ്യണമെന്നും ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: