നെടുങ്കണ്ടം: ബൈസണ്‍വാലിയില്‍ വനിത അസിസ്റ്റന്റ് എഞ്ചിനീയറുടെ മുന്‍പില്‍ വെച്ച് വനിത പഞ്ചായത്ത് പ്രസിഡന്റിന് സിപിഎം അംഗത്തിന്റെ തെറിയഭിഷേകം എന്ന് പരാതി.
ബൈസണ്‍വാലി പഞ്ചായത്ത് പ്രസിഡന്റ് മേഴ്സി തോമസ് ആണ് പഞ്ചായത്തംഗം സ്റ്റീഫന്‍ കുര്യന്‍ എ ഇ ഓഫിസില്‍ വച്ച് അസഭ്യം വിളിച്ചെന്നും കയ്യേറ്റം ചെയ്യാന്‍ ശ്രമിച്ചത്. ഇതേ തുടര്‍ന്ന് സ്ത്രീത്വത്തെ അപമാനിക്കാന്‍ ശ്രമിച്ചതിനും, കയ്യേറ്റം ചെയ്യാന്‍ ശ്രമിച്ചുവെന്ന് ആരോപിച്ച് വനിത കമ്മീഷനും രാജാക്കാട് പോലീസ് സ്റ്റേഷനിലും മേഴ്സി തോമസ് പരാതി നല്‍കി. ചൊവാഴ്‌ച്ച ഉച്ച കഴിഞ്ഞ് 2ന് ആണ് സംഭവം.
പഞ്ചായത്ത് കമ്മിറ്റിക്ക് ശേഷം പ്രസിഡന്റ് എഇയുടെ ഓഫീസില്‍ എത്തി സംസാരിച്ച് കൊണ്ടിരുന്നപ്പോള്‍ സ്റ്റീഫന്‍ കുര്യന്‍ കയറി വന്ന് യാതൊരു പ്രകോപനവും ഇല്ലാതെ സ്ത്രീത്വത്തെ അപമാനിക്കുന്ന തരത്തില്‍ അസഭ്യം പറയുകയും അടിക്കാന്‍ കയ്യോങ്ങുകയും ചെയ്തെന്ന് മേഴ്സി തോമസ് പറഞ്ഞു.
ബഹളം കേട്ട് എത്തിയ പഞ്ചായത്ത് ജീവനക്കാരും പഞ്ചായത്ത് അംഗങ്ങളും ആണ് ഇയാളെ പിടിച്ചു മാറ്റിയത്. സംഭവത്തില്‍ സിപിഎം മെമ്പര്‍ക്കെതിരെ നടപടി ആവശ്യപ്പെട്ട് നിരവധി പേര്‍ രംഗത്തെത്തി കഴിഞ്ഞു.
പ്രതികരിക്കാൻ ഇവിടെ എഴുതുക: