ഇരിങ്ങാലക്കുട: ഹൃദയാഘാതം മൂലം മരിച്ച കാറളം സ്വദേശിയായ 64 കാരന്റെ മകന്‍ കൊറോണ നിയന്ത്രണം ലംഘിച്ച് വിദേശത്തുനിന്നെത്തിയത് നാട്ടുകാരില്‍ പരിഭ്രാന്തി പരത്തി. അബുദാബിയില്‍ നിന്ന് ഇയാള്‍ എത്തുന്നതായി ആരോഗ്യവകുപ്പിന് അറിയിപ്പ് കിട്ടിയിരുന്നില്ല.
ഇന്നലെ പുലര്‍ച്ചെ ഇയാള്‍ തിരുവനന്തപുരം എയര്‍പോര്‍ട്ടില്‍ വന്നിറങ്ങുകയും ടാക്സിയില്‍ വീട്ടിലെത്തുകയുമായിരുന്നു. നിയന്ത്രണങ്ങളില്ലാതെ ഇയാളെങ്ങനെ എത്തിയെന്നതില്‍ അന്വേഷണം നടത്തണമെന്ന് നാട്ടുകാര്‍ പറഞ്ഞു.
ഇയാള്‍ വീട്ടിലെത്തിയ വിവരം അറിഞ്ഞെത്തിയ ആരോഗ്യവകുപ്പ് വീട്ടിലുണ്ടായിരുന്ന പിഞ്ച് കുഞ്ഞടക്കം 12 പേരെ ക്വോറന്റൈനിലാക്കി. പരിഭ്രാന്തരായ ജനം മൃതദേഹം സംസ്‌കാരത്തിനായി എടുക്കാന്‍ വിസമ്മതിച്ചതിനെ തുടര്‍ന്ന് പിപിഇ കിറ്റ് ധരിച്ചവരെ എത്തിച്ചാണ് സംസ്‌കാരം നടത്തിയത്.
വിദേശത്ത് നിന്നെത്ത്ി നിരീക്ഷണത്തില്‍ കഴിയുന്ന കാറളം സ്വദേശികളായ രണ്ട് പേര്‍ക്ക് കഴിഞ്ഞ ദിവസം കൊറോണ സ്ഥിരീകരിച്ചിരുന്നു. ഇതാണ് നാട്ടുകാരെ കൂടുതല്‍ പരിഭ്രാന്തരാക്കിയത.
പ്രതികരിക്കാൻ ഇവിടെ എഴുതുക: