തിരൂര്‍: തൃപ്രങ്ങോട് ചെറിയപരപ്പൂരില്‍ ടിപ്പര്‍ ലോറി ഉയര്‍ത്തി മണ്ണ് ഇറക്കുന്നതിനിടെ വൈദ്യുതി കമ്പിയില്‍ തട്ടി ഷോക്കേറ്റ് ഒരാള്‍ മരിച്ചു. ഇന്ന് രാവിലെ 10 മണിയോടെ തിരൂര്‍ കൊടക്കല്‍ ബീരാന്‍ചിറയിലെ നിര്‍മാണ സ്ഥലത്തേക്ക് മണ്ണിറക്കുന്നതിനിടെയാണ് അപകടം.
ടിപ്പര്‍ ലോറിയിലെ സഹായിയായ പട്ടാമ്പി ഏങ്ങല്ലൂര്‍ ചൂരക്കോട് സ്വദേശി മുഹമ്മദ് ബഷീര്‍(27) ആണ് മരിച്ചത്. മണ്ണിറക്കുന്നതിനിടെ ലോറിയില്‍ തൊട്ടുനിന്ന മുഹമ്മദ് ബഷീര്‍ ഷോക്കേറ്റ് തെറിച്ചു വീഴുകയായിരുന്നു. ഇയാളോടൊപ്പമുണ്ടായിരുന്ന വളാഞ്ചേരി സ്വദേശി മുഹമ്മദ് ഫൈസലിനെ(26) ഗുരുതര പരിക്കുകളോടെ കോട്ടക്കലിലെ സ്വകാര്യ ആശുപത്രിയില്‍ പ്രവേശിപ്പിച്ചു.
പ്രതികരിക്കാൻ ഇവിടെ എഴുതുക: