പത്തനംതിട്ട: ജില്ലയില്‍ ഏനാത്തും ആനപ്പാറയിലും അന്യസംസ്ഥാനതൊഴിലാളികളുടെ പ്രതിഷേധം. നാട്ടിലെത്തിക്കണമെന്നാവശ്യപ്പെട്ടാണ് ബീഹാറുകാരായ മുന്നൂറോളംപേരാണ് പ്രതിഷേധിച്ചത്. ഇവരെ പോലീസ് ലാത്തി വീശി ഓടിച്ചു. മാസ്കുപോലും വയ്‌ക്കാതെയാണ് അന്യസംസ്ഥാനക്കാര്‍ എത്തിയത്.
തിരുവല്ല വഴി പോകേണ്ടിയിരുന്ന ട്രെയിൻ അവസാനനിമിഷം റദ്ദാക്കിയതാണ് പ്രതിഷേധത്തിന് ഇടയാക്കിയത്. സ്ഥലത്തെത്തിയ പോലീസ് ഇവരെ കാര്യങ്ങള്‍ പറഞ്ഞ് മനസിലാക്കാന്‍ ശ്രമിച്ചെങ്കിലും പിരിഞ്ഞുപോകാൻ തയാറായില്ല. തൊഴിലാളികളോട് പിരിഞ്ഞുപോകണമെന്നാവശ്യപ്പെട്ട് നാട്ടുകാരും രംഗത്തെത്തിയിരുന്നു.
1500 പേർക്കാണ് ബീഹാറിലേക്ക് പോകാൻ ക്രമീകരണങ്ങൾ ഏർപ്പെടുത്തിയിരുന്നത്. ഇവർക്കുള്ള ഭക്ഷണം അടക്കമുള്ള കാര്യങ്ങൾ ഏർപ്പെടുത്തിയിരുന്നു. എന്നാൽ ഇന്ന് പുറപ്പെടേണ്ട ട്രെയിൻ നാളെ മാത്രമേ പുറപ്പെടൂവെന്ന് അവസാന നിമിഷമാണ് അറിയിപ്പ് വന്നത്. ഇതാണ് പ്രതിഷേധത്തിന് ഇടയാക്കിയത്.
ആനപ്പാറയിലെ സ്‌കൂളിലാണ് ഇവരെ പാർപ്പിച്ചിരുന്നത്. ഇവർ നാട്ടിലേക്ക് പോകാൻ ഇറങ്ങിയതിന് പിന്നാലെ അധികൃതർ സ്‌കൂൾ പൂട്ടി. ഇതോടെ പെരുവഴിയിലായി തൊഴിലാളികൾ.
പ്രതികരിക്കാൻ ഇവിടെ എഴുതുക: