പാലക്കാട്: മദ്യത്തിനായി ടോക്കണ് ലഭിച്ചതിനെ തുടര്ന്ന് ജില്ലയിലെ ക്വാറന്റൈന് കേന്ദ്രങ്ങളിലൊന്നായ ബാര് ഹോട്ടലില് എത്തിയവര് മടങ്ങിപ്പോയി. 10 പ്രവാസികള് നിരീക്ഷണത്തില് കഴിയുന്ന ഹോട്ടല് ഇന്ദ്രപ്രസ്ഥയില് എത്തിയവരാണ് നിരാശയോടെ മടങ്ങിയത്.
ബെവ്കോയുടെ ആപ്പ് മുഖേന ബുക്ക് ചെയ്തവര്ക്കാണ് ക്വാറന്റൈന് കേന്ദ്രമായ ഇന്ദ്രപ്രസ്ഥയുടെ ടോക്കണ് ലഭിച്ചത്. ആപ്പ് ഉണ്ടാക്കിയതിലെ ഗുരുതരമായ വീഴ്ചയാണ് ഇതെന്ന ആരോപണവും ഉയര്ന്നിട്ടുണ്ട്.
മദ്യം വാങ്ങാനെത്തിയപ്പോഴാണ് ടോക്കണ് ലഭിച്ചത് ക്വാറന്റൈന് കേന്ദ്രമാണെന്ന് മനസിലായത്. ക്വാറന്റൈന് കേന്ദ്രമായതിനാല് മദ്യം വില്ക്കാന് അനുമതിയില്ലെന്ന് വ്യക്തമാക്കിയതോടെ ആളുകള് മടങ്ങിപ്പോവുകയും ചെയ്തു.
