കാസര്‍കോട്: എസ്എസ്എല്‍സി, പ്ലസ്ടു പരീക്ഷക്കെത്തുന്ന വിദ്യാര്‍ത്ഥികള്‍ക്കാവശ്യമായ മാസ്‌കുകള്‍ എബിവിപി നിര്‍മിച്ച് സ്‌ക്കൂള്‍ അധികൃതര്‍ക്ക് കൈമാറി. എബിവിപി സംസ്ഥാന വ്യാപകമായി നടത്തുന്ന മാസ്സിവ് മാസ്ക് മേക്കിങ്ങ് ക്യാമ്പയിനിന്റെ ഭാഗമായി കാസര്‍കോട് ജില്ലയിലെ വിവിധ നഗര്‍ സമിതികള്‍ നിര്‍മ്മിച്ച പത്തായിരത്തോളം മാസ്‌കുകളാണ് വിവിധ സ്‌കൂള്‍ അധികൃതരെ ഏല്‍പിച്ചത്. മാസ്ക് വിതരണത്തിന്റെ ജില്ലാ തല ഉദ്ഘാടനം കുമ്പള ഗവ: ഹയര്‍ സെക്കണ്ടറി സ്‌കൂളില്‍ എബിവിപി സംസ്ഥാന പ്രവര്‍ത്തക സമിതിയംഗം മോഹന്‍ കെ ബംബ്രാണ നിര്‍വഹിച്ചു. ജില്ലാ സെക്രട്ടറി രാഹുല്‍ ഉദയഗിരി, പ്രമോദ് ഉപ്പള, ജിഷ്ണു കള്ളാര്‍ തുടങ്ങിയര്‍ പങ്കെടുത്തു.
