തിരുവനന്തപുരം: സംസ്ഥാനത്ത് മദ്യം വാങ്ങാനുള്ള വെര്ച്വല് ക്യൂ ആപ്പായ ബെവ്ക്യുവിന് ഗൂഗിള് അനുമതി നല്കി. ഇതോടെ സംസ്ഥാനത്തെ മദ്യശാലകള് ല് വ്യാഴാഴ്ച മുതല് തുറുക്കുമെന്നാണ് സൂചന. നാളെ മുതല് ആപ്പ് വഴി ബുക്കിങ് ആരംഭിക്കും.
ഇതുമായി ബന്ധപ്പെട്ട് എക്സൈസ് വകുപ്പ് നടപടിക്രമങ്ങള് ആരംഭിച്ചു. മദ്യശാലകള് തുറക്കാനുള്ള സാഹചര്യം മനസിലാക്കാന് എക്സൈസ് മന്ത്രി ബന്ധപ്പെട്ടവരുടെ യോഗം വിളിച്ച് ചേര്ത്തിട്ടുണ്ട്. ഇന്ന് ഉച്ചയ്ക്ക് എക്സൈസ് മന്ത്രി വാര്ത്താ സമ്മേളനം വിളിച്ചു ചേര്ത്തിട്ടുണ്ട്. ഉച്ചയോടെ ആപ്പ് പ്ലേസേ്റ്റാറില് ലഭ്യമാകും.
ടോക്കണ് ലഭിക്കുന്നവര്ക്ക് വ്യാഴാഴ്ച മുതല് മദ്യം വാങ്ങാന് സാധിക്കും. ഗൂഗിളിന്റെ അനുമതി ലഭിച്ചതിനാല് ആപ്പ് ഇന്ന് ഉച്ചയോടെ പ്ലേസ്റ്റോറില് അപ് ലോഡ് ചെയ്യും. ഉപയോഗിക്കുന്ന ആളുടെ പിന്കോഡ് അനുസരിച്ചായിരിക്കും ആപ്പിലെ പ്രവര്ത്തനങ്ങള്. ഇതിലൂടെ ലഭിക്കുന്ന ഇ-ടിക്കറ്റില് ഏത് മദ്യഷാപ്പില് എപ്പോള് വരണമെന്ന് അറിയിക്കും.
അതനുസരിച്ച് ഉപഭോക്താക്കള് എത്തിയാല് മദ്യം വാങ്ങാം. ഇ- ടിക്കറ്റിലെ ക്യൂ ആര് കോഡ് മദ്യശാലകളില് സ്കാന് ചെയ്ത് പരിശോധിച്ച് ഉറപ്പുവരുത്തുകയും ചെയ്യും. ഒരാള്ക്ക് പരമാവധി മൂന്ന് ലിറ്റര് മദ്യമേ ലഭിക്കൂ. നാല് ദിവസത്തിനുള്ളില് ഒരു തവണ മാത്രമേ മദ്യം നല്കൂ. തുടങ്ങിയ നിബന്ധനകളുമുണ്ട്. പൂര്ണ്ണമായും കോവിഡ് നിയന്ത്രണങ്ങള് പാലിച്ചായിരിക്കും വിപണനം.
സാധാരണ ഫോണ് ഉപയോഗിക്കുന്നവര് എസ്.എം.സ് സംവിധാനം ഉപയോഗിച്ചാണ് ബുക്കിങ്ങ് നടത്തേണ്ടത്. ഇതിനായി സര്ക്കാര് ടെലികോം കമ്പനികളുമായി ചര്ച്ച നടത്തുകയാണ്. ഇക്കാര്യത്തിലും ഉടന് തീരുമാനമുണ്ടായേക്കും.
ഏറ്റവും അനുയോജ്യമായാണ് സാങ്കേതിക വിദ്യായാണ് ആപ്പില് ഉപയോഗിച്ചിരിക്കുന്നതെന്നും സാധാരണ ഫോണിലും ആപ്പ് ഉപയോഗിക്കാമെന്നും ഫെയര് കോഡ് കമ്പനി അധികൃതര് പറയുന്നു. ഓണ്ലൈന് വഴി ടോക്കണെടുത്ത് മദ്യം വാങ്ങുന്നതിനുള്ള ആപ്പ് തയ്യാറാക്കുന്നതില് അനിശ്ചിതത്വം കഴിഞ്ഞ കുറേ ദിവസങ്ങളായി തുടരുകയായിരുന്നു.
ഒരാഴ്ച മുമ്പ് കൊച്ചി ആസ്ഥാനമായ ഫെയര് കോഡ് കമ്പനി തയ്യാറാക്കിയ ആപ്പ് തിരഞ്ഞെടുത്തിരുന്നു. പക്ഷെ സര്ക്കാര് അംഗീകൃത ഏജന്സികള് നടത്തിയ പരിശോധനയില് ആപ്പ് പരാജയപ്പെട്ടു. സുരക്ഷ ഏജന്സികള് നിര്ദ്ദേശിച്ച ഏഴ് പോരായ്മകള് പരിഹരിച്ച ശേഷമാണ് ആപ്പ് ഗൂഗിള് പ്ലേ സ്റ്റോറിലേക്ക് അനുമതിക്കായി അയച്ചത്. ഇന്ന് വൈകുന്നേരത്തിന് മുമ്പ് ഗൂഗിള് നിന്നുള്ള അനുകൂല മറുപടിയാണ് ബെവ്കോ പ്രതീക്ഷിക്കുന്നതെന്ന് കമ്പനി വൃത്തങ്ങള് നേരത്തെ അറിയിച്ചിരുന്നു.
