കൊച്ചി: കൊറോണ സംബന്ധിച്ചുള്ള അവലോകനത്തിനായി മെഡിക്കല് കോളേജിലെയും ജില്ലയിലെ വിവിധ സര്ക്കാര് ആശുപത്രികളിലെയും ഡോക്ടര് പ്രതിനിധികളുടെ യോഗം കളക്ടര് എസ്. സുഹാസിന്റെ അധ്യക്ഷതയില് ചേര്ന്നു. കൊറോണ കെയര് സെന്ററുകളില് നിരീക്ഷണത്തിലുള്ള ഗര്ഭിണികളായ സ്ത്രീകള്ക്ക് പ്രത്യേക പരിശോധന ഉറപ്പാക്കാനാവശ്യമായ നടപടികള് സ്വീകരിക്കാന് തീരുമാനമായി. നിരീക്ഷണ കേന്ദ്രത്തിനു സമീപമുള്ള കൊറോണ പരിശോധനാ കേന്ദ്രത്തില് സാമ്പിളുകള് ശേഖരിക്കുന്ന തരത്തില് ക്രമീകരിക്കും.
മാനസിക വെല്ലുവിളി നേരിടുന്ന തെരുവുകളില് കഴിയുന്ന ആളുകളുടെ കാര്യത്തില് ആവശ്യമായ നടപടികള് സ്വീകരിക്കും. സബ് കളക്ടര് സ്നേഹില് കുമാര് സിങ്, അസിസ്റ്റന്റ് കളക്ടര് മാധവികുട്ടി എം.എസ്, ജില്ലാ മെഡിക്കല് ഓഫീസര് ഡോ. എന്.കെ. കുട്ടപ്പന്, ദേശീയ ആരോഗ്യ ദൗത്യം ജില്ലാ പ്രൊജക്ട്് ഓഫീസര് ഡോ. മാത്യൂസ് നുമ്പേലി തുടങ്ങിയവര് യോഗത്തില് പങ്കെടുത്തു.
