മാവേലിക്കര:ബലാല്സംഗ കേസിലെ പ്രതിയായ എന്സിപി നേതാവ് അഡ്വ. മുജീബ് റഹ്മാനെ അറസ്റ്റ് ചെയ്തു.നഗ്നചിത്രം കാട്ടി പീഡിപ്പിക്കുകയും 12 ലക്ഷം രൂപ തട്ടിയെടുത്തു എന്നും ആരോപിച്ച് യുവതി നല്കിയ പരാതിയുടെ അടിസ്ഥാനത്തിലാണ് നടപടി.
സിപിഎം സംസ്ഥാന നേതാക്കളുടെ ഇഷ്ടതോഴനും മാവേലിക്കര ബാറിലെ അഭിഭാഷകനായ മുജീബ് റഹ്മാന് വിവാഹ വാഗ്ദാനം നല്കി ബലമായി പീഡിപ്പിച്ച് ലക്ഷങ്ങള് തട്ടിയെടുത്തുവെന്ന പരാതിയുമായി ഓച്ചിറ സ്വദേശിയായ യുവതിയാണ് തെളിവുകള് അടക്കം പോലീസ് സ്റ്റേഷനില് പരാതി നല്കിയത്.
സിപിഎമ്മിന്റെ ഇഷ്ടതോഴനായ മുജീബിനെതിരെ ആദ്യം പോലീസ് കേസ് എടുക്കാന് തയാറായില്ല. തുടര്ന്ന് പത്രസമ്മേളനം നടത്തുമെന്ന് പരാതിക്കാരി അറിയിച്ചതോടെയാണ് കേസ് എടുത്തത്. ബലാത്സംഗം, വിശ്വാസവഞ്ചന, സ്ത്രീകളുടെ അഭിമാനത്തതിന് ക്ഷതം ഏല്പ്പിക്കല് തുടങ്ങിയ കുറ്റം ചുമത്തിയാണ് എഫ്ഐആര് രജിസ്റ്റര് ചെയ്തിരിക്കുന്നത്.
വിവാഹിതനായ മുജീബ് റഹ്മാന് തന്റെ മതത്തിന്റെ പ്രത്യേകത ചൂണ്ടിക്കാട്ടി വിവാഹ വാഗ്ദാനം നല്കി സംസ്ഥാനത്തെ വിവിധ ഹോട്ടലുകളില് കൊണ്ടു പോയി പീഡിപ്പിച്ചുവെന്ന് യുവതി പറയുന്നു. ഇതിനിടെ 12 ലക്ഷം രൂപ തന്റെ കൈയില് തട്ടിയതായും യുവതി പരാതിയില് പറയുന്നുണ്ട്.
ഭര്ത്താവുമായി വേര്പിരിഞ്ഞ് രണ്ടു മക്കളുമായി ഒറ്റയ്ക്ക് താമസിക്കുന്ന യുവതി രണ്ടു വര്ഷം മുമ്പ് ഒരു കേസുമായി ബന്ധപ്പെട്ട് അഭിഭാഷകനായ മുജീബിനെ പരിചയപ്പെട്ടത്. തുടര്ന്ന് ഇയാള് മൊബൈലില് നിരന്തരം സന്ദേശങ്ങള് അയക്കുകയും ബന്ധം ശക്തമാക്കുകയും ചെയ്തു. പിന്നീട് തന്റെ സങ്കല്പത്തിലെ ഭാര്യക്കു വേണ്ടുന്ന എല്ലാ യോഗ്യതകളും ഉണ്ടെന്നും, രണ്ടാം വിവാഹം കഴിച്ച് ഭാര്യയായി സംരക്ഷിക്കും. ബഹുഭാര്യാത്വം തന്റെ സമുദായത്തില് നിയമപരമായി കുഴപ്പമില്ലെന്ന് വിശ്വസിപ്പിച്ച് നാളുകളായി പീഡിപ്പിക്കുകയായിരുന്നുവെന്നാണ് പോലീസിന് നല്കിയ പരാതിയില് യുവതി പറയുന്നു.
ഒന്നര വര്ഷം മുമ്പ് വീട്ടില് ആരും ഇല്ലാതിരുന്ന സമയത്ത് മുജീബ് എത്തുകയും തന്നെ ബലമായി കീഴ്പ്പെടുത്തി ലൈംഗിക പീഡനത്തിനിരയാക്കി. തുടര്ന്ന് തിരുവനന്തപുരം, കൊല്ലം, ആലപ്പുഴ നഗരങ്ങളിലെ ഹോട്ടലുകളില് കൊണ്ടുപോയി ലൈംഗികമായി പീഡിപ്പിച്ചുവെന്നും പരാതിയില് വ്യക്തമാക്കുന്നുണ്ട്. ഡിജിപി ലോക്നാഥ് ബെഹറയ്ക്കും സംസ്ഥാന വനിതാ കമ്മീഷന് ചെയര്മാന് എംസി ജേസഫൈനും യുവതി പരാതി നല്കിയിട്ടുണ്ട്.
സ്ത്രീ പീഡനത്തിനു പുറമെ മതവിദ്വേഷം വളര്ത്താനും പ്രധാനമന്ത്രിക്കെതിരെ അസത്യം പ്രചരിപ്പിക്കാനും ശ്രമിച്ചു എന്നാരോപിച്ചും മുജീബിനെതിരെ കേസുണ്ട്..
സൂര്യാ ടിവിയില് സംപ്രേക്ഷണം ചെയ്യുന്ന കഥകള്ക്കപ്പുറം എന്ന പരിപാടിയുടെ മാര്ച്ച് 26 ലെ 88-മത് എപ്പിസോഡില് ഗുജറാത്തില് പോലീസുമായുണ്ടായ ഏറ്റുമുട്ടലില് മരണമടഞ്ഞ പ്രാണേഷ് പിള്ളയുടെ പിതാവിനെ പറ്റിയുള്ള പരിപാടിയിലാണ് മതസൗഹാര്ദ്ദം തകര്ക്കുന്ന രീതിയില് പ്രധാനമന്ത്രിക്കെതിരെ അപവാദ പ്രചരണം നടത്തിയത്.ഗുജറാത്ത് മുഖ്യമന്ത്രിയായിരുന്ന നരേന്ദ്ര മോഡിക്കു വേണ്ടിയുണ്ടാക്കിയ വ്യാജ ഏറ്റുമുട്ടലായിരുന്നു ഈ സംഭവം എന്ന് മുജീബ് പറയുന്നുണ്ട്.
യാതൊരു ഗവേഷണവും നടത്താതെ തെറ്റായ വിവരങ്ങള് ചേര്ത്താണ് പരിപാടി അവതരിപ്പിച്ചത്. പ്രാണേഷ് കുമാറിന്റെ ഭാര്യയാണ് കൊല്ലപ്പെട്ട ഇസ്രത്ത് ജഹാന് എന്ന രീതിയിലാണ് പരിപാടിയുടെ തിരക്കഥ. എന്നാല് പ്രാണേഷ് കുമാറിന്റെ ഭാര്യ സാജിദ എന്ന സ്ത്രീയാണ്. പോലീസ് ഏറ്റുമുട്ടലില് പ്രാണേഷ്, ഇസ്രത്ത് ജഹാന് എന്നിവരും രണ്ട് പാക്കിസ്ഥാന് പൗരന്മാരായ തീവ്രവാദികളുമാണ് കൊല്ലപ്പെട്ടത്. മുജീബ് അവതാരകനായ പ്രാദേശിക ചാനലിലെ പ്രധാനിയായ അനില് വള്ളിക്കോടാണ് പരിപാടിയുടെ രചയിതാവ്.
മുജീബിനെ വെച്ച് സിനിമാ പിടിച്ച പ്രസാദ് നൂറനാടാണ് ഈ പരിപാടിയുടെ സംവിധായകന്. തീര്ത്തും മത-രാഷ്ട്രീയ സൗഹാര്ദ്ദം തകര്ക്കുക എന്ന ഉദ്ദേശത്തോടു കൂടി പ്രതികള് ഗൂഡാലോചന നടത്തി തയ്യാറാക്കിയ ഈ പരിപാടി തയ്യാറാക്കിയ ഇവരേയും പരിപാടി നിര്മ്മിച്ച പ്രക്ഷേപണം നടത്തിയ സൂര്യാ ടിവിയുടെ മേധാവി ഷംനാദ് പുതുശ്ശേരിയേയും പ്രതിയാക്കിയാണ് ബി ജെ പി മാവേലിക്കര നിയോജക മണ്ഡലം ജനറല് സെക്രട്ടറി ഹരീഷ് കാട്ടൂര് പരാതി നല്കിയത്.
പരിപാടിയുടെ പെന്ഡ്രൈവ്, മുജീബിന്റെ ഫേസ്ബുക്കിന്റെ സ്ക്രീന് ഷോട്ട് എന്നിവ ചേര്ത്താണ് പരാതി. പരാതി കൈപ്പറ്റിയ പോലീസ് പ്രാഥമികാന്വേഷണം നടത്തുമെന്ന് പരാതിക്കാരനെ അറിയിച്ചു. മുജീബിന്റെ സാമ്പത്തിക – മതതീവ്രവാദ പ്രവര്ത്തനങ്ങളെ കുറിച്ച് കേന്ദ്ര ഏജന്സികള് ഉള്പ്പടെ അന്വേഷണം ആരംഭിച്ച
