മട്ടാഞ്ചേരി: ലോക്ഡൗണിനെ തുടര്‍ന്ന് ലക്ഷദ്വീപിന് സമീപം കുടുങ്ങിയ മത്സ്യബന്ധന ബോട്ടും രണ്ട് തൊഴിലാളികളും കൊച്ചിയില്‍ മടങ്ങിയെത്തി. ലോക്ഡൗണിന് മുമ്പ് മത്സ്യബന്ധനത്തിന് പോയ തമിഴ്‌നാട് രജിസ്‌ട്രേഷനുള്ള ബോട്ടില്‍ കന്യാകുമാരി ജില്ലയിലെ സെന്റ് തോമസ് കോളനിയില്‍ സുനില്‍, തിരുവനന്തപുരം പരുത്തിക്കുഴി പുതുവല്‍ പുത്തന്‍വീട്ടില്‍ ഫൈസല്‍ എന്നിവരാണ് മടങ്ങിയെത്തിയത്.
മത്സ്യത്തൊഴിലാളികളുടെ പരാതി ലഭിച്ചതിനെ തുടര്‍ന്ന് കളക്ടര്‍ എസ്. സുഹാസ് ഇടപെട്ട് ബോട്ട് തിരികെ എത്തിക്കാന്‍ നടപടി സ്വീകരിക്കുകയായിരുന്നു. കൊറോണ നിയന്ത്രണങ്ങളുടെ ഭാഗമായി തൊഴിലാളികള്‍ ബോട്ടില്‍ തന്നെ കഴിയുകയാണെന്ന് പോലീസ് പറഞ്ഞു.
പ്രതികരിക്കാൻ ഇവിടെ എഴുതുക: