കളഞ്ഞുകിട്ടിയ 135,000 ഡോളര് തിരിച്ചുനല്കിയ യുവാവിന് പോലീസില് ജോലി വാഗ്ദാനം
ന്യൂ മെക്സിക്കോ:- ന്യൂ മെക്സിക്കോ സംസ്ഥാനത്തെ ആല്ബുക്വര്ക്ക് ബാങ്കിലെ എം.ടി.എം മെഷീനു സമീപത്തു നിന്നും ലഭിച്ച ബാഗിലുണ്ടായിരുന്ന 135,000 ഡോളര് തിരിച്ചേല്പ്പിച്ച 19 കാരന് സിറ്റി പോലീസ് ഡിപ്പാര്ട്മെന്റില് ജോലി വാഗ്ദാനം. ഹിസ്പാനിക്ക് വിഭാഗത്തില് പെട്ട വിദ്യാര്ത്ഥിയുടെ സത്യസന്ധത പരിഗണിച്ചാണ് ജോലി വാഗ്ദാനം.
മെയ് ആദ്യവാരം എ ടി എം.ല് നിന്നും പണം എടുക്കുന്നതിനാണ് സെന്ട്രല് ന്യൂ മെക്സിക്കോ കമ്യൂണിറ്റി കോളജില് ക്രിമിനല് ജസ്റ്റിസ് വിദ്യാര്ത്ഥി ഒസെ ന്യൂനസ് എത്തിയത്. എ.ടി.എം ന് സമീപം ഒരു പ്ളാസ്റ്റിക്ക് ബാഗും അതിനകത്ത് നിറയെ ഡോളര് നോട്ടുകളും ന്യൂനസിന്റെ ശ്രദ്ധയില് പെട്ടു. ആദ്യമായാണ് ഇത്രയും തുക താന് കാണുന്നതെന്നും അല്പസമയം തന്റെ കണ്ണിനു കാഴ്ച നഷ്ടപ്പെട്ടുവോ എന്ന സംശയവും ഉണ്ടായതായി ന്യൂനസ് പറയുന്നു.
ഏതായാലും ബാഗിന്റെ ചിത്രം കാമറയില് പകര്ത്തിയ ശേഷം അതുമായി തന്റെ കാറില് എത്തി. എ ടി എമ്മില് നിന്നും പണമെടുക്കുന്നവര്ക്ക് തടസ്സം ഉണ്ടാകാതിരിക്കാനാണ് പണവുമായി ന്യൂനസ് കാറിനകത്തേക്ക് കയറി ഇരുന്നത്. തുടര്ന്ന് പോലീസില് വിവരമറിയിച്ചു. പോലീസ് എത്തി ബാഗ് പരിശോധിച്ചപ്പോള് 60,000 ഡോളറിന്റെ 20 ബില്ലുകളും, 75,000 ഡോളറിന്റെ 50 ബില്ലുകളും കണ്ടെത്തി. (135,000)
ഇത്രയും തുക കളഞ്ഞു പോകുന്നതും, അത് തിരിച്ചേല്പിക്കുന്നതുമായ സംഭവം ഉണ്ടായിട്ടില്ല എന്നാണ് പോലീസ് ചീഫ് സൈമണ് പറയുന്നത്. വെല്സ് ഫാര്ഗോ ബാങ്കുമായി ബന്ധപ്പെട്ടപ്പോഴാണ് ഈ സംഖ്യ ഒരു കോണ്ട്രാക്റ്ററുടേതാണെന്നും അത് എങ്ങനെയാണ് താഴെ വീണുപോയതെന്ന് അറിയില്ലെന്നും ബാങ്ക് ഓഫീസര് പറഞ്ഞു.
യുവാവിന്റെ സത്യസന്ധത കണക്കിലെടുത്ത് പഠനം പൂര്ത്തിയാകുന്നതോടെ ലൊ എന്ഫോഴ്സ്മെന്റ് ഓഫീസറായി ജോലി നല്കുമെന്നും ചീഫ് അറിയിച്ചു
ജന്മഭൂമി ഓണ്ലൈന്