ചെറുതോണി: വാഴത്തോപ്പില് വാസയോഗ്യമായ വീടുകള് ഇല്ലാതെ നിരവധി കുടുംബങ്ങള്. വാഴത്തോപ്പ് പഞ്ചായത്തില് ഒന്നാം വാര്ഡ് ഉള്പ്പെടുന്ന മണിയാറന്കുടിയിലാണ് നിരവധി കുടുംബങ്ങള് ഭവനരഹിതരായി കഴിയുന്നത്.
പൂര്ണ്ണമായും വനവാസി മേഖലയായ മണിയാറന് കുടി. സമീപ പ്രദേശങ്ങളായ പെരുങ്കാല, ആന കൊമ്പന് ഉള്പ്പെടുന്ന 1, 8, 14 വാര്ഡുകളിലാണ് നിരവധി ഭവന രഹിതര് ഉള്ളത്. മണിയാറന് കുടി റേഷന് കടക്ക് സമീപം താമസിക്കുന്ന വയോധികനായ കൊച്ചുതറയില് പൊന്നപ്പന് കെ.വി, താമസ് യോഗ്യമായ വീടിനായി നിരവധി തവണ പഞ്ചായത്തില് കയറി ഇറങ്ങിയെങ്കിലും വീട് അനുവദിച്ചുകിട്ടിയില്ല എന്ന ആരോപണവുമായി രംഗത്തെത്തി. നാല്പത് വര്ഷം പഴക്കമുള്ള മണ്കട്ട കൊണ്ട് നിര്മ്മിച്ച വീട്ടിലാണ് ഇദ്ദേഹം ഇപ്പോള് കഴിയുന്നത്.
നിരവധി തവണ വീടിനായി അപേക്ഷ നല്കിയിട്ടും വാര്ഡ് മെമ്പറും പഞ്ചായത്ത് പ്രസിഡന്റും അനുകൂലമായ നിലപാട് എടുത്തിട്ടില്ല എന്ന് ഇവര് പറയുന്നു. കെട്ടിടം നിലവില് ബലക്കുറവിലാണ്. മഴക്കാലം അടുത്ത് നില്ക്കുമ്പോള് ആവലാതികളോടെയാണ് ഇവര് കഴിയുന്നത്.
