വെള്ളിയാമറ്റം: മഴ പെയ്ത് കഴിഞ്ഞപ്പോള്‍ മഞ്ഞ കളര്‍. കഴിഞ്ഞ ദിവസം വെള്ളിയാമറ്റം പൂച്ചപ്ര കൈതപ്പാറ ഭാഗത്ത് പെയ്ത മഴയിലാണ്, തുള്ളികള്‍ വീണ ഭാഗങ്ങളില്‍ മഞ്ഞ കളര്‍ കണ്ടെത്തിയത്.
പൂച്ചപ്ര ഇണ്ടത്തില്‍ ജോയിയുടെ പറമ്പിലും, ശരീരത്തിലും, കൃഷി ദേഹണ്ഡങ്ങളടെ മുകളിലും, പാറപ്പുറത്തും വീണ മഴ തുള്ളികള്‍ക്ക് മഞ്ഞ കളര്‍ ഒരു പൊട്ടു പോലെ കാണുകയുണ്ടായി.
അര മണിക്കൂറോളം ഇവിടെ മഴ പെയ്തു. മഴ തുള്ളികള്‍ വീണിടത്തെല്ലാം മഞ്ഞ കളര്‍ രൂപപ്പെട്ടു. കാഞ്ഞാര്‍ എസ്‌ഐജോണ്‍ സെബാസ്റ്റ്യന്‍, ഇളംദേശം ആരോഗ്യ വകുപ്പ് അധികൃതര്‍ എന്നിവര്‍ സ്ഥലത്ത് എത്തി അന്വേഷണം നടത്തി. മുമ്പും ജില്ലയില്‍ ചിലയിടങ്ങളില്‍ ഇത്തരത്തില്‍ മഞ്ഞമഴ പെയ്തിട്ടുണ്ട്. പിറ്റേ ദിവസം ഇത് ബ്രൗണ്‍ നിറമാകും. പിന്നീട് കഴുകിയാല്‍ പോകുന്നതിനും പാടാകും.
പ്രതികരിക്കാൻ ഇവിടെ എഴുതുക: