പറമ്പില്‍ബസാര്‍: കോഴിക്കോട് ബാറിലെ അഭിഭാഷകനും പൊതുപ്രവര്‍ത്തകനും കര്‍ഷകനുമായ അഡ്വ. ഇ. ബാലന്റെയും ഭാര്യ സരസ്വതിയുടെയും 39-ാം വിവാഹവാര്‍ഷിക ദിനമായിരുന്നു മെയ് ഒന്നിന്. വിവാഹവാര്‍ഷിക ദിനം വേറിട്ടതാക്കുകയായിരുന്നു ഇരുവരും. ലോക്ഡൗണ്‍ കാലത്ത് വീട്ടില്‍ വിളയിച്ചെടുത്ത ജൈവപച്ചക്കറികള്‍ കിറ്റുകളാക്കി സമീപവാസികള്‍ക്കും അത്തോളി പ്രസ് ഫോറം അംഗങ്ങള്‍ക്കും ഇരുവരും കുടുംബാംഗങ്ങളും ചേര്‍ന്ന് വിതരണം ചെയ്തു.
കൃഷി ചെയ്യാന്‍ താത്പര്യമുള്ള കുടുംബങ്ങള്‍ക്ക് ഏഴ് തരം പച്ചക്കറി വിത്തുകളുടെ ഇരുപ്പതിയഞ്ച് പായ്‌ക്കുകളും നൂറ് വഴുതന തൈകളും നല്‍കി. ലോക്ഡൗണ്‍ നിയന്ത്രണങ്ങള്‍ പാലിച്ച് വീട്ടില്‍ നടത്തിയ ചടങ്ങില്‍ കുരുവട്ടൂര്‍ ഗ്രാമപഞ്ചായത്ത് അപ്പുക്കുട്ടന്‍, കൃഷി ഓഫീസര്‍ ടി. രൂപക്ക്, ബിജെപി സംസ്ഥാന സെക്രട്ടറി അഡ്വ. കെ.പി. പ്രകാശ് ബാബു, അജീഷ് അത്തോളി, ജയരാജന്‍ അനുഗ്രഹ എന്നിവരും പുലരി, ഹരിത കര്‍ഷക സംഘാംഗങ്ങളും പങ്കെടുത്തു. മകന്‍ സാലു ഇരഞ്ഞിയില്‍, മരുമകള്‍ സുചിത്ര, പേരക്കുട്ടികള്‍ അമൃതദാസ്, അമൃതലക്ഷമി എന്നിവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: