പാനൂര്: പാനൂര് നഗരസഭയില് കമ്യൂണിറ്റി കിച്ചണ് പൂട്ടിയതോടെ വിഷമത്തിലായ നൂറിലേറെ പേര്ക്ക് ആശ്വാസമായി സേവാഭാരതിയുടെ സൗജന്യ ഭക്ഷണവിതരണം. പാനൂര് പുത്തൂര് റോഡില് സഹകരണ ഡിസ്പെന്സറിയില്വെച്ചാണ് ഭക്ഷണവിതരണം. ലോക്ക് ഡൗണ് കഴിയുന്നതുവരെ വിതരണം തുടരും. ദിവസേന 12 മണിക്ക് വിതരണം ആരംഭിക്കും. നഗരസഭാ കൗണ്സിലര് കെ.കെ. ചന്ദ്രന് ഉദ്ഘാടനം ചെയ്തു. ആര്എസ്എസ് ജില്ലാ സമ്പര്ക്ക പ്രമുഖ് എന്.കെ. നാണു മാസ്റ്റര് സേവാസന്ദേശം നല്കി. പാനൂര് ഖണ്ഡ് സേവാപ്രമുഖ് എന്.ടി. മനോജ് അദ്ധ്യക്ഷത വഹിച്ചു. സേവാഭാരതി പ്രസിഡണ്ട് വിജിത്ത്കുമാര്, പ്രകാശന് മാസ്റ്റര് എന്നിവര് സംസാരിച്ചു. പാനൂരും പരിസരത്തുമുള്ള ഭിക്ഷാടകര്, ഒറ്റപ്പെട്ടുപോയ കുടുംബങ്ങള്, ആരോഗ്യ പ്രവര്ത്തകര് എന്നിങ്ങനെയുള്ള 60 പേര്ക്കാണ് ഇന്നലെ ഭക്ഷണം വിതരണം ചെയ്തത്. നാളെ മുതല് ആവശ്യക്കാരായ ഇത്തരം 250 പേര്ക്ക് ദിവസേന ആഹാരം കൊടുക്കാനുള്ള തയ്യാറെടുപ്പിലാണ് സേവാഭാരതി.
പാനൂരില് കമ്യൂണിറ്റി കിച്ചണ് പൂട്ടി; സൗജന്യ ഭക്ഷണവിതരണം ഏറ്റെടുത്ത് സേവാഭാരതി
പാനൂര് നഗരസഭയില് കമ്യൂണിറ്റി കിച്ചണ് പൂട്ടിയതോടെ വിഷമത്തിലായ നൂറിലേറെ പേര്ക്ക് ആശ്വാസമായി സേവാഭാരതിയുടെ സൗജന്യ ഭക്ഷണവിതരണം.
sevavarathi food supply
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.