തിരുവനന്തപുരം: ചലച്ചിത്ര അക്കാഡമി ചെയര്‍മാന്‍ കമലിന് എതിരേ യുവനടി ഉയര്‍ത്തിയ ബലാത്സംഗം ആരോപണത്തില്‍ മൗനം തുടരുന്ന സിനിമയിലെ സ്ത്രീകളുടെ കൂട്ടാമയ്മായ വുമണ്‍ ഇന്‍ കളക്റ്റീവിന് വിമര്‍ശിച്ച് ബിജെപി വക്താവ് സന്ദീപ് ജി. വാര്യര്‍. വുമണ്‍ ഇന്‍ സിനിമ കളക്ടീവ് പുലര്‍ത്തുന്ന മൗനവും എത്രമാത്രം അശ്ലീലകരമാണ്.വുമണ്‍ ഇന്‍ സിനിമ കളക്ടീവ് അല്ല വുമണ്‍ ഇന്‍ സിനിമ സെലക്ടീവ് ആണ് എന്ന് പറയേണ്ടിവരും.പിണറായി വിജയനെ പോലെ ഇത്രമേല്‍ കരുതലുള്ള ഒരു മനുഷ്യന്‍ മുഖ്യമന്ത്രിയായിരിക്കുമ്പോള്‍ കമലിനോട് അനീതി ചെയ്യുമോ? അപ്പോള്‍ സെറ്റില്‍ ചെയ്യുന്നതാണ് ബുദ്ധി എന്ന് കമലിന് തോന്നിയിരിക്കണം. ബലാത്സംഗ കേസ് എങ്ങനെ സെറ്റില്‍ ചെയ്തു എന്നുകൂടി അന്വേഷിക്കേണ്ടേ ? പണമിടപാട് ആയിരുന്നെങ്കില്‍ എത്ര പണമാണ് നല്‍കിയത്? ആ പണത്തിന് സോഴ്‌സ് എന്തായിരുന്നു എന്നൊക്കെ അന്വേഷിക്കേണ്ടേ എന്നും സന്ദീപ് ഫേസ്ബുക്ക് പോസ്റ്റില്‍ ചോദിച്ചു.
പോസ്റ്റിന്റെ പൂര്‍ണരൂപം- മഞ്ജുവിന്റെ സിനിമ ഗുരുവും കേരള സംസ്ഥാന ചലച്ചിത്ര അക്കാദമിയുടെ ചെയര്‍മാനുമായ സംവിധായകന്‍ കമലിനെതിരെ ലൈംഗിക പീഡനാരോപണം ഉയര്‍ന്നിട്ട് ഒരു ദിവസം കഴിഞ്ഞു.’ഈ വിഷയം നേരത്തെ സെറ്റില്‍ ചെയ്തതാണ് ‘ എന്നാണത്രേ കമല്‍ ഇത് സംബന്ധിച്ച് അന്വേഷിച്ച മാധ്യമപ്രവര്‍ത്തകനെ അറിയിച്ചത്.
ഒരു പെണ്‍കുട്ടിയെ ബലാത്സംഗം ചെയ്തു എന്ന ആരോപണം സെറ്റില്‍ ചെയ്‌തെങ്കില്‍ യഥാര്‍ത്ഥത്തില്‍ അത്തരമൊരു സംഭവം നടന്നതായി അല്ലേ നമ്മള്‍ മനസ്സിലാക്കേണ്ടത്? അതല്ല വ്യാജ ആരോപണം ആയിരുന്നെങ്കില്‍ എന്തുകൊണ്ട് കമലിനെ പോലെ ഉന്നത തലങ്ങളില്‍ പിടിയുള്ള ഒരാള്‍ പോലീസിനെ സമീപിച്ചില്ല?
പിണറായി വിജയനെ പോലെ ഇത്രമേല്‍ കരുതലുള്ള ഒരു മനുഷ്യന്‍ മുഖ്യമന്ത്രിയായിരിക്കുമ്പോള്‍ കമലിനോട് അനീതി ചെയ്യുമോ? അപ്പോള്‍ സെറ്റില്‍ ചെയ്യുന്നതാണ് ബുദ്ധി എന്ന് കമലിന് തോന്നിയിരിക്കണം. ബലാത്സംഗ കേസ് എങ്ങനെ സെറ്റില്‍ ചെയ്തു എന്നുകൂടി അന്വേഷിക്കേണ്ടേ ? പണമിടപാട് ആയിരുന്നെങ്കില്‍ എത്ര പണമാണ് നല്‍കിയത്? ആ പണത്തിന് സോഴ്‌സ് എന്തായിരുന്നു എന്നൊക്കെ അന്വേഷിക്കേണ്ടേ ?
മഞ്ജു വാര്യരും വുമണ്‍ ഇന്‍ സിനിമ കളക്ടീവും തുടങ്ങിവച്ച മലയാള സിനിമയിലെ ശുദ്ധീകരണ പ്രക്രിയയെ പ്രത്യാശയോടെ കണ്ടിരുന്ന നിരവധി ആളുകള്‍ക്ക് വലിയ നിരാശയാണ് നിങ്ങളുടെ മൗനം സമ്മാനിക്കുന്നത്. സിനിമാമോഹവുമായി നടക്കുന്ന പെണ്‍കുട്ടികളെ ലൈംഗികമായി ദുരുപയോഗിക്കുന്ന കാസ്റ്റിംഗ് കൗച്ച് സമ്പ്രദായത്തിനെതിരെ പ്രതികരിക്കാന്‍ മഞ്ജുവാര്യര്‍ തയ്യാറാകുമോ? കമലിനെ എതിരേ അന്വേഷണം ആവശ്യപ്പെടാന്‍ മഞ്ജുവാര്യര്‍ക്ക് സാധിക്കുമോ?
വുമണ്‍ ഇന്‍ സിനിമ കളക്ടീവ് പുലര്‍ത്തുന്ന മൗനവും എത്രമാത്രം അശ്ലീലകരമാണ്.വുമണ്‍ ഇന്‍ സിനിമ കളക്ടീവ് അല്ല വുമണ്‍ ഇന്‍ സിനിമ സെലക്ടീവ് ആണ് എന്ന് പറയേണ്ടിവരും. മഞ്ജു അഭിനയിച്ച ഒരു സിനിമയും ആരോപണ വിധേയമായിട്ടുണ്ടല്ലോ. അതുകൊണ്ട് മൗനം ശരിയല്ല. മഞ്ജുവിനെ പോലെ കഴിവുള്ള ഒരുപാട് പെണ്‍കുട്ടികള്‍ ഇനിയും മലയാള സിനിമയില്‍ വളര്‍ന്നു വരേണ്ടതുണ്ട്. അതുകൊണ്ടുതന്നെ ഇത്തരം സംഭവങ്ങള്‍ ഇനി ഒരിക്കലും ആവര്‍ത്തിക്കാതിരിക്കാനുള്ള ജാഗ്രതയും കരുതലുമാണ് വേണ്ടത്. മഞ്ജുവാര്യരുടെ ഇക്കാര്യത്തിലുള്ള പ്രതികരണം സാംസ്‌കാരിക കേരളം തേടുന്നു.
പ്രതികരിക്കാൻ ഇവിടെ എഴുതുക: