ന്യൂദല്‍ഹി : സംസ്ഥാനത്തെ കോവിഡ് ബാധിതരുടെ എണ്ണം വര്‍ധിച്ചുവരുന്ന സാഹചര്യത്തില്‍ ദല്‍ഹിയില്‍ ലോക്ഡൗണ്‍ നീട്ടണമെന്ന് വിലയിരുത്തല്‍. ദല്‍ഹി സര്‍ക്കാരിന്റെ കോവിഡ് 19 പ്രതിരോധ പ്രവര്‍ത്തനങ്ങള്‍ക്കായുള്ള സമിതിയുടെ തലവന്‍ ഡോ. എസ്.കെ സരിനാണ് ഇത്തരമൊരു നിര്‍ദ്ദേശം മുന്നോട്ടുവെച്ചത്.
സംസ്ഥാനങ്ങളില്‍ നിയന്ത്രണങ്ങളില്‍ ഇളവു നല്‍കുന്നത് കൊറണ വൈറസ് രോഗബാധിതരുടെ എണ്ണം പെരുകുന്നതിന് ഇടയാക്കും. ദല്‍ഹിയില്‍ നിരവധി വൈറസ് ബാധിത മേഖലകളുണ്ട്. അതുകൊണ്ടുതന്നെ ലോക്ഡൗണ്‍ നീട്ടുന്നതാണ് നല്ലതെന്ന് സരിന്‍ പറഞ്ഞു.
ചൈനയുടെ അനുഭവത്തെ മുന്‍നിര്‍ത്തി പറഞ്ഞാല്‍ രോഗബാധ ആരംഭിച്ച് 10 ആഴ്ചകള്‍ക്ക് ശേഷമാണ് ഗ്രാഫ് താഴേയ്‌ക്കു വന്നുതുടങ്ങുന്നത്. അങ്ങനെയെങ്കില്‍ മേയ് 16 വരെ ലോക്ക്ഡൗണ്‍ നീട്ടേണ്ടതുണ്ട്. എങ്കില്‍ മാത്രമേ രോഗബാധിതരുടെ എണ്ണം കുറയുകയൂള്ളൂവെന്നും അദ്ദേഹം കൂട്ടിച്ചേര്‍ത്തു. നിലവില്‍ ദല്‍ഹിയില്‍ 2,625 പേര്‍ക്കാണ് കോവിഡ് സ്ഥിരീകരിച്ചത്. 54 പേര്‍ മരിക്കുകയും ചെയ്്തു.
പ്രതികരിക്കാൻ ഇവിടെ എഴുതുക: