ന്യൂദൽഹി: എല്ലാവര്‍ക്കും ഒരുമിച്ച് കൊവിഡ് 19നെതിരെ പൊരുതാമെന്ന സന്ദേശവുമായി രാഷ്ട്രപതി രാംനാഥ് കോവിന്ദിന്റെ ഭാര്യ സവിത കോവിന്ദ്. ഇതിന്റെ ഭാഗമായി ഷെല്‍ട്ടല്‍ ഹോമുകളിലേക്കുള്ള മാസ്കുകള് അവർ തുന്നി നൽകി.
പ്രസിഡന്റ് എസ്റ്റേറ്റിലെ ശക്തിഹാട്ടില്‍ വെച്ചാണ് സവിത മാസ്കുകള് തുന്നിയത്. ദൽഹി അര്‍ബന്‍ ഷെല്‍ട്ടര്‍ ഈപ്രൂവ്മെന്‍റ് ബോര്‍ഡിന് കീഴിലുള്ള വിവിധ ഷെല്‍ട്ടര്‍ ഹോമുകളിലേക്കാണ് ഈ മാസ്കുകൾ നല്‍കുക. സാമൂഹിക അകലം പാലിക്കുന്നതോടൊപ്പം ഫേസ് മാസ്കുകളും ഉപയോഗിക്കാനാണ് ആരോഗ്യവിദഗ്ധര്‍ നിര്‍ദ്ദേശിക്കുന്നത്.
കൊവിഡ് വ്യാപനം തുടങ്ങിയതുമുതല്‍ ആളുകള്‍ മാസ്ക് ഉപയോഗിക്കുന്നുണ്ട്. രാജ്യത്ത് ഇതിനോടകം 20,471 കോവിഡ്-19 കേസുകളാണ് റിപ്പോര്‍ട്ട് ചെയ്തിട്ടുളളത്. 3960 പേര്‍ രോഗമുക്തി നേടി. ഇതിനോടകം 652 പേര്‍ക്കാണ് കോവിഡ്-19 മൂലം ജീവന്‍ നഷ്ടപ്പെട്ടത്.
പ്രതികരിക്കാൻ ഇവിടെ എഴുതുക: