കൊച്ചി: ഇന്ത്യന്‍ സൂപ്പര്‍ ലീഗ് ടീം കേരളാ ബ്ലാസ്‌റ്റേഴ്‌സ് മുഖ്യ പരിശീലകന്‍ എല്‍ക്കോ ഷറ്റോരിയുമായി വഴിപിരിഞ്ഞു. ഒരു സീസണുശേഷമാണ് ഷറ്റോരിയെ പിരിച്ചുവിടുന്നത്്. ട്വിറ്ററിലൂടെയാണ് ഇ കാര്യം ബ്ലാസ്‌റ്റേഴ്‌സ് അറിയിച്ചത്.
ഡച്ചുകാരനായ ഷറ്റോരിയുടെ ശിക്ഷണത്തില്‍ 2019-20 സീസണില്‍ ഇന്ത്യന്‍ സൂപ്പര്‍ ലീഗില്‍ കളിച്ച ബ്ലാസ്‌റ്റേഴ്‌സിന് ഏഴാം സ്ഥാനത്തെത്താനേ കഴിഞ്ഞുള്ളൂ.നാല്‍പ്പത്തിയെട്ടുകാരനായ ഷറ്റോരി 2012ലാണ് ഇന്ത്യയിലെത്തിയത്. ആവര്‍ഷം പ്രയാഗ് യുണൈറ്റഡിന്റെ പരിശീലകനായി. ഐഎഫ്എ ഷീല്‍ഡ് ടീമിന് സമ്മാനിച്ച ഷാറ്റോരി ഐ ലീഗില്‍ ടീമിന് നാലാം സ്ഥാനം നേടികൊടുക്കുകയും ചെയ്തു.
2015ല്‍ ഈസ്റ്റ് ബംഗാള്‍ കൊല്‍ക്കത്തയുടെ മുഖ്യ പരിശീലകനായി. പിന്നീട് നോര്‍ത്ത് ഈസ്റ്റ് യുണൈറ്റഡിന്റെ പരിശീലകനായി. 2018-19 സീസണില്‍ നോര്‍ത്ത് ഈസ്റ്റ് യുണൈറ്റഡിനെ ഐഎസ്എല്ലിന്റെ സെമിയിലെത്തിച്ചു.
പ്രതികരിക്കാൻ ഇവിടെ എഴുതുക: