ന്യൂദല്‍ഹി: കൊറോണ വൈറസ് വ്യാപനത്തിന്റെ പശ്ചാത്തലത്തില്‍ ടി 20 ലോകകപ്പ് നടത്തുന്നതിന് പുത്തന്‍ നിര്‍ദേശവുമായി ഇന്ത്യയുടെ മുന്‍ നായകന്‍ സുനില്‍ ഗാവസ്‌കര്‍. കൊറോണയുടെ പശ്ചാത്തലത്തില്‍ ഈ വര്‍ഷം ഓസ്‌ട്രേലിയയില്‍ ടി 20 ലോകകപ്പ് നടക്കാനുള്ള സാധ്യത കുറവാണ്.
അതിനാല്‍ ഇത്തവണത്തെ ലോകകപ്പിന് ഇന്ത്യ ആതിഥേയത്വം വഹിക്കണം. ഇന്ത്യക്ക് അനുവദിച്ചിരിക്കുന്ന അടുത്ത വര്‍ഷത്തെ ടി 20 ലോകകപ്പ് ഓസ്‌ട്രേലിയിലും നടത്തണമെന്ന് ഗാവസ്‌കര്‍ നിര്‍ദേശിച്ചു.
വിദേശികളെ സെപ്തംബര്‍ മുപ്പത് വരെ ഓസ്‌ട്രേലിയ വിലക്കിയിരിക്കുകയാണ്. ഈ സാഹചര്യത്തില്‍ ഒക്‌ടോബറില്‍ ലോകകപ്പ് ആരംഭിക്കുക വിഷമകരമാണ്. അതിനാല്‍ ഈ വര്‍ഷത്തെ ലോകകപ്പ് ഇന്ത്യയില്‍ നടത്തണം. 2021 ല്‍ ഇന്ത്യയില്‍ നടക്കേണ്ട ലോകകപ്പ് ഓസ്‌ട്രേലിയയിലേക്ക് മാറ്റണമെന്നും ഗാവസ്‌കര്‍ പറഞ്ഞു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: