തൃശൂര്‍: പുറനാട്ടുകര സംസ്‌കൃത കോളേജിലെ അസ്സാം, ഒറീസ, ബീഹാര്‍ സംസ്ഥാനങ്ങളില്‍ നിന്നുള്ള 70 വിദ്യാര്ഥികള്ക്ക് ഭക്ഷണസാധനങ്ങള്‍ എത്തിച്ച് നല്‍കി ബിജെപി. ലോക്ഡൗണ്‍ മൂലം ബുദ്ധിമുട്ടിലായ വിദ്യാര്‍ഥികള്‍ ഭക്ഷണസാധനങ്ങള്‍ തീര്‍ന്ന് ദുരിതത്തിലായിരുന്നു.
ഇതേത്തുടര്‍ന്ന് ഭക്ഷണ സാധനങ്ങള്‍ ആവശ്യപ്പെട്ട് കോളേജ് അധികൃതരേയും പിന്നീട് അടാട്ട് പഞ്ചായത്ത് അധികൃതരേയും സമീപിച്ചെങ്കിലും നിരാശയായിരുന്നു ഫലം. തുടര്‍ന്ന് വിദ്യാര്‍ത്ഥികള്‍ കേന്ദ്രമന്ത്രി വി. മുരളീധരന് തങ്ങളുടെ അവസ്ഥ വിവരിച്ച് കൊണ്ട് മെയില്‍ അയക്കുകയായിരുന്നു. അദ്ദേഹത്തിന്റെ ഇടപെടല്‍ മൂലം വടക്കാഞ്ചേരി മണ്ഡലം കമ്മറ്റിയുടെ നേതൃത്വത്തില്‍ ആട്ടയും, അരിയും, സവാളയും, ഉരുളക്കിഴങ്ങും മറ്റ് പലചരക്ക് സാധനങ്ങളും എത്തിച്ച് നല്‍കുകയായിരുന്നു.
ബിജെപി ജില്ലാ പ്രസിഡന്റ് അഡ്വ കെ.കെ അനീഷ്‌കുമാര്‍, ജില്ലാ ട്രഷറര്‍ സുജയ്‌സേനന്‍, സംസ്ഥാന കൗണ്‍സില്‍ അംഗം ഐ.എന്‍ രാജേഷ്, കര്‍ഷക മോര്‍ച്ച ജില്ലാ ജനറല്‍ സെക്രട്ടറി ഗിരീഷ്, മണ്ഡലം സെക്രട്ടറി ബിജീഷ്, രാജേഷ്, അശോകന്‍ എന്നിവര്‍ ഭക്ഷ്യധാന്യങ്ങള്‍ എത്തിച്ച് നല്‍കാന്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: