മഹറൂഫിന്റെ ജീവന്‍ രക്ഷിക്കാന്‍ പരമാവധി ശ്രമിച്ചിരുന്നുവെന്ന് ആരോഗ്യമന്ത്രി, സമ്പർക്ക പട്ടിക കണ്ടെത്തി

തിരുവനന്തപുരം: സംസ്ഥാനത്ത് കൊവിഡ് ചികിത്സയിലിരിക്കെ ഇന്ന് മരിച്ച മാഹി സ്വദേശിയുടെ ജീവന്‍ രക്ഷിക്കാന്‍ പരമാവധി ശ്രമിച്ചിരുന്നുവെന്ന്‌ ആരോഗ്യ മന്ത്രി കെകെ ശൈലജ. വൈറസ് ബാധ കണ്ടെത്തുമ്പോള്‍ തന്നെ ശാരീരികമായി തീര്‍ത്തും അവശനായിരുന്നു അദ്ദേഹം. ഏപ്രില്‍ 1 ആസ്റ്റര്‍ മിംസ്ല്‍ വെച്ച്‌ സാമ്പിൾ എടുത്തു പരിശോധിച്ചപ്പോഴാണ് രോഗം തെളിഞ്ഞത്.

കേരളത്തില്‍ ചികിത്സ തേടി എന്നതിനപ്പുറം മാഹി സ്വദേശിയാണ് മെഹറൂഫ്. അതുകൊണ്ട് തന്നെ മരണം എങ്ങനെ രേഖപ്പെടുത്തണം എന്നത് അടക്കമുള്ള കാര്യങ്ങളില്‍ തീരുമാനം ഇനിയും എടുക്കേണ്ടതുണ്ടെന്നും ആരോഗ്യ മന്ത്രി പറഞ്ഞു. അതേസമയം, മഹറൂഫിന് എങ്ങനെയാണ് രോഗം പിടിപെട്ടത് എന്നതു സംബന്ധിച്ച്‌ ഇതുവരെ കണ്ടുപിടിക്കപ്പെട്ടില്ല.

മെഹറൂഫിന്റെ സമ്പര്‍ക്ക പട്ടിക മുഴുവനായും കണ്ടെത്തിയിട്ടുണ്ട്. കുടുംബാംഗങ്ങൾക്ക് നെഗറ്റീവ് ആയത് വലിയ ആശ്വാസമാണ്.  കോ​വി​ഡ് പ്ര​തി​രോ​ധ പ്ര​യ​ത്ന​ങ്ങ​ള്‍​ക്ക് ഗു​ണ​ഫ​ലം ഉ​ണ്ടാ​കു​ന്ന​താ​യും  ആ​രോ​ഗ്യ​മ​ന്ത്രി പറഞ്ഞു. എ​ന്നാ​ല്‍ പൂര്‍ണ​മാ​യും ആ​ശ്വ​സി​ക്കാ​ന്‍ സ​മ​യ​മാ​യി​ട്ടി​ല്ലെ​ന്നും അ​വ​ര്‍ വ്യക്തമാക്കി.