തെങ്കാശി: ലോക്ഡൗണ്‍ ലംഘിച്ച് തെങ്കാശിയില്‍ ജുമ നമസ്‌കാരത്തിനെത്തിയവര്‍ തടയാന്‍ ശ്രമിച്ച പോലീസിനെ ആക്രമിച്ചു. സംഘര്‍ഷത്തിനൊടുവില്‍ കൂടുതല്‍ പോലീസെത്തി കൂട്ട നിസ്‌കാരക്കാരെ ഒഴിപ്പിച്ചു.
വെള്ളിയാഴ്ച നിസ്‌കാരത്തിന്റെ പേരിലാണ് കേരളാ അതിര്‍ത്തിയിലുള്ള തെങ്കാശി പട്ടണത്തിലെ നടുപ്പേട്ട മുസ്ലിം പള്ളിയില്‍ നൂറുകണക്കിന് ആളുകള്‍ സംഘടിച്ചത്.
ജുമ നമസ്‌കാരവും കൂട്ടപ്രാര്‍ഥനയ്‌ക്കുമായി നൂറുകണക്കിന് ആളുകള്‍ പള്ളിയില്‍ എത്തിയതറിഞ്ഞ് പോലീസ് പള്ളിഭാരവാഹികളോടും മൗലവിമാരോടും സംസാരിച്ചെങ്കിലും ഇവര്‍ സംഘടിച്ച് എണ്ണത്തില്‍ കുറവായിരുന്ന പോലീസുകാരെ ആക്രമിക്കുകയായിരുന്നു.
കൂടുതല്‍ പോലീസെത്തി ലാത്തിവീശിയാണ് അക്രമികളെ പള്ളിയില്‍ നിന്നും ഒഴിവാക്കിയത്. തെങ്കാശി ശിവക്ഷേത്രമടക്കം സ്ഥിതി ചെയ്യുന്ന വലിയ പട്ടണമായ തെങ്കാശി ലോക്ഡൗണ്‍ മൂലം കനത്ത നിയന്ത്രണത്തിലാണ്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: