പാലക്കാട്: കാരാക്കുറുശ്ശിയില്‍ കോവിഡ് – 19 ബാധിച്ചയാളുടെ മകനും കെഎസ്ആര്‍ടിസി ബസ് കണ്ടക്ടറുമായ വ്യക്തിയുടെ രണ്ടാമത്തെ സാമ്പിള്‍ പരിശോധനാ ഫലവും നെഗറ്റീവ്.
മണ്ണാര്‍ക്കാട് ഡിപ്പോയില്‍ ജോലി ചെയ്തിരുന്ന ഇദ്ദേഹം മാര്‍ച്ച് 17ന് മണ്ണാര്‍ക്കാട്-കോയമ്പത്തൂര്‍ റൂട്ടിലും 18ന് മണ്ണാര്‍ക്കാട്-തിരുവനന്തപുരം റൂട്ടിലും ഡ്യൂട്ടി ചെയ്തിരുന്നു.
മാര്‍ച്ച് 25ന് രോഗം സ്ഥിരീകരിച്ച കാരാക്കുറുശ്ശി സ്വദേശിയുടെ പ്രാഥമിക സമ്പര്‍ക്ക പട്ടികയില്‍ ഉണ്ടായിരുന്ന മറ്റു കുടുംബാംഗങ്ങളുടെയും മണ്ണാര്‍ക്കാട് താലൂക്ക് ആശുപത്രി, പി ബാലന്‍ ഹോസ്പിറ്റല്‍ എന്നിവിടങ്ങളിലെ ഡോക്ടര്‍മാര്‍, സ്റ്റാഫ് എന്നിവരുടെയും ഫലം നെഗറ്റീവ് ആണെന്ന് സ്ഥിരീകരിച്ചു. രണ്ടാമത്തെ ഫലം നെഗറ്റീവാണെങ്കിലും രണ്ടുദിവസം കൂടി ആശുപത്രിയില്‍ നിരീക്ഷിച്ചതിന് ശേഷമാകും വ്യക്തികളെ വിട്ടയക്കുക.
പ്രതികരിക്കാൻ ഇവിടെ എഴുതുക: