കുണ്ടറ: യൂട്യൂബ് വീഡിയോകള്‍ നോക്കി ചാരായം വാറ്റി വില്‍പ്പന നടത്തിയ കുണ്ടറ സ്വദേശി പിടിയില്‍. കുണ്ടറ പൂജപ്പുര ക്ഷേത്രത്തിനു സമീപം താമസിക്കുന്ന ഗൗരിവിലാസത്തില്‍ ചന്ദ്രലാല്‍ ആണ് പിടിയിലായത്.
നിര്‍മ്മാണ തൊഴിലാളിയായ ഇയാള്‍ ദിവസങ്ങല്‍ക്ക് മുമ്പ് കുടുംബത്തെ വീട്ടില്‍ നിന്ന് മാറ്റിയിരുന്നു. ശേഷം വീട്ടില്‍ തന്നെ ചാരായംവാറ്റി വില്‍ക്കുകയായിരുന്നു. പ്രദേശത്ത് ചാരായം സുലഭമായി ലഭിക്കുന്നു എന്ന വിവരത്തെ തുടര്‍ന്ന് പോലീസ് നടത്തിയ അന്വേഷണത്തിലാണ് ഇയാള്‍ പിടിയിലായത്.
ഒരു ലിറ്റര്‍ വാറ്റു ചാരായവും വാറ്റാന്‍ ഉപയോഗിച്ച ഉപകരണങ്ങളും ചന്ദ്രലാലിന്റെ വീട്ടില്‍ നിന്നും പോലീസ് കണ്ടെടുത്തു. യൂട്യൂബ് വീഡിയോ കണ്ടാണ് താന്‍ ചാരായംവാറ്റാന്‍ പഠിച്ചതെന്ന് പോലീസിനോട് ഇയാല്‍ സമ്മതിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: