ആയൂര്: കൊറോണാ വൈറസ് പടര്ന്ന് പിടിക്കുന്നതിന്റെ ഭാഗമായി സര്ക്കാരിന്റെ ലോക്ക് ഡൗണ് പ്രഖ്യാപനം മറികടന്ന് തുറന്നുപ്രവര്ത്തിച്ച സ്ഥാപനം പോലീസ് അടപ്പിച്ചു. ഇളമാട് അമ്പലംമുക്കില് പ്രവര്ത്തിക്കുന്ന ഫാന്സി സെന്റര് ഉള്പ്പെട്ട മൊബൈല് ഷോപ്പാണ് പോലീസ് അടപ്പിച്ചത്. കട ഉടമ ഇളമാട് സ്വദേശി വിജയനെ കസ്റ്റഡിയിലെടുത്തു. പിന്നീട് വിട്ടയച്ചു.
ഇതിനിടയില് വിജയനെ ജാമ്യത്തില് ഇറക്കാന് ചടയമംഗലം സ്റ്റേഷനിലെത്തിയ സിപിഎം പ്രാദേശിക നേതാവ് പോലീസിനെതിരെ ഭീഷണമുഴക്കി. പലചരക്ക്, പച്ചക്കറി, ബേക്കറി തുടങ്ങിയ കടകള് മാത്രമാണ് ഇപ്പോള് തുറന്ന് പ്രവര്ത്തിക്കുന്നത്. ഇത് കാറ്റിപ്പറത്തിയാണ് തുറന്നു പ്രവര്ത്തിച്ചത്. ഈ പ്രദേശങ്ങളില് പോലീസ് നിരീക്ഷണം കര്ശനമാക്കി.
