കൊല്ലം: അഗ്നിശമന സേനയുടെ മരുന്നിനും ആഹാരത്തിനും 101 ഡയല് ചെയ്യൂ എന്ന സന്ദേശം സഹായകരമായി. സഹായം തേടി വിളിക്കുന്നത് ആയിരങ്ങള്.
ഇന്നലെ രാത്രിയില് തേവലക്കര സ്വദേശി വിളിച്ചത് ക്ഷയരോഗത്തിനുള്ള മരുന്നിനായി. വിളിച്ചതാകട്ടെ കൊല്ലം നിലയത്തിലേക്കും. വിവരം ഉടന് ചവറ നിലയത്തിലേക്ക് കൈമാറി. അവിടെയുണ്ടായിരുന്ന സിവില് ഡിഫന്സ് അംഗങ്ങളായ, മുരളി, അനീഷ്, എന്നിവര് ബൈക്കില് കൊല്ലം റ്റി ബി ആശുപത്രിയില് നിന്ന് അത്യാവശ്യ മരുന്ന് വാങ്ങി തേവലക്കര സ്വദേശിയുടെ വീട്ടിലെത്തിച്ചു. കടയ്ക്കല് നിലയത്തിലേക്കു വിളിച്ച നിലമേല് സ്വദേശിക്ക് ഉപയോഗിച്ചുകൊണ്ടിരുന്ന ജീവന് രക്ഷാമരുന്നുകള് കടയക്കല് അഗ്നിശമന നിലയവുമായി ബന്ധപ്പെട്ട് പ്രവര്ത്തിക്കുന്ന സിവില് ഡിഫന്സ് വോളണ്ടിയര് മഹേഷ് സ്വന്തം ബൈക്കില് തിരുവനന്തപുരത്ത് മെഡിക്കല് കോളേജില് നിന്നുവാങ്ങി വീട്ടിലെത്തിച്ചു.
ആശ്രാമത്ത് തമ്പടിച്ചിരിക്കുന്ന ഇതരസംസ്ഥാന തൊഴിലാളികള്, മറ്റു തൊഴിലാളികള് എന്നിവര്ക്ക് ആവശ്യമായ ഭക്ഷണം അഗ്നിശമന സേന സൗജന്യമായി എത്തിച്ചു. നാട് അണുവിമുക്തമാക്കുന്ന ഒട്ടേറെ പ്രവര്ത്തനങ്ങള്ക്കിടയിലും ഇത്തരം ജന സേവനങ്ങളിലും അഗ്നിശമനസേന വ്യാപൃതരാണ്.
