പത്തനംതിട്ടയില്നിരോധനാജ്ഞ ഏപ്രില് 14ന് അര്ധരാത്രി വരെ നീട്ടി
പത്തനംതിട്ട:കൊറോണവൈറസ് രോഗവ്യാപനം ജീവന് ഭീഷണി ഉയര്ത്തുന്ന സാഹചര്യത്തില് ജനങ്ങളുടെ ജീവന് സംരക്ഷണം നല്കുന്നതിനും പൊതുസമാധാനം നിലനിര്ത്തുന്നതിനും പത്തനംതിട്ട ജില്ലയിലെ എല്ലാ പോലീസ് സ്റ്റേഷന് പരിധിയിലും ക്രിമിനല് നടപടിക്രമം വകുപ്പ് 144 പ്രകാരം മാര്ച്ച് 31 അര്ധരാത്രി വരെ പുറപ്പെടുവിച്ചിരുന്ന നിരോധനാജ്ഞ ഏപ്രില് 14ന് അര്ധരാത്രി വരെ ദീര്ഘിപ്പിച്ച് ജില്ലാ കളക്ടര് പി.ബി. നൂഹ് ഉത്തരവായി. ജനങ്ങള് കൂട്ടം ചേരുന്നത് നിരോധിച്ചും ക്രമീകരണങ്ങളും നിയന്ത്രണങ്ങളും ഏര്പ്പെടുത്തിയുമാണ് ഉത്തരവ്.
കെഎസ്ആര്ടിസി, സ്വകാര്യ ബസ് ഉള്പ്പടെയുളള പൊതുഗതാഗത സംവിധാനങ്ങള് ഈ കാലയളവില് നിര്ത്തിവയ്ക്കണം. എന്നാല്, അവശ്യ സാധനങ്ങള് വാങ്ങുന്നതിനും എമര്ജന്സി മെഡിക്കല് സഹായത്തിനും സ്വകാര്യ വാഹനങ്ങള് ഉപയോഗിക്കാം. വാഹനത്തില് െ്രെഡവറെക്കൂടാതെ പ്രായപൂര്ത്തിയായ ഒരു വ്യക്തിക്ക് കൂടി മാത്രം യാത്ര ചെയ്യാം. മെഡിക്കല് ആവശ്യങ്ങള്ക്കും അവശ്യസാധനങ്ങളുടെ ട്രാന്സ്പോര്ട്ടേഷനും മാത്രമായേ ഓട്ടോറിക്ഷകളും ടാക്സികളും ഉപയോഗിക്കാന് പാടുള്ളു. പെട്രോള് പമ്പിന്റെ പ്രവര്ത്തനം, എല്പിജിയുടെ വിതരണം, വൈദ്യുതി, ടെലികോം സേവനം എന്നിവ തടസപ്പെടുത്താന് പാടില്ല.
പലചരക്ക്, പച്ചക്കറി, പാല്, മല്സ്യം, മാംസം, തുടങ്ങിയ അവശ്യസാധനങ്ങള് വില്ക്കുന്ന കടകള് രാവിലെ ഏഴു മുതല് വൈകുന്നേരം അഞ്ചു വരെ പ്രവര്ത്തിക്കാം. ഹോട്ടലുകളില് നിന്നും ഹോം ഡെലിവറി മാത്രം,ഒരു കാരണവശാലും ഹോട്ടലുകളില് ഭക്ഷണം വിളമ്പാന് പാടില്ല. മെഡിക്കല് ഷോപ്പുകള് സമയപരിധി ബാധകമല്ലാതെ പ്രവര്ത്തിക്കണം.
ആരാധനാലയങ്ങളില് ഒഴിച്ച് കൂടാനാവാത്തതും ആചാര അനുഷ്ഠാനത്തിന്റെ ഭാഗവുമായ ചടങ്ങുകള് മാത്രം നടത്തണം. യാതൊരു കാരണവശാലും അഞ്ചില് കൂടുതല് ആളുകളെ പങ്കെടുപ്പിച്ച് ആരാധനകളോ, ഉല്സവങ്ങളോ മറ്റു ചടങ്ങുകളോ നടത്താന് പാടില്ല. ജില്ലയിലെ ആശുപത്രികളുടെ പ്രവര്ത്തനം യാതൊരു കാരണവശാലും തടസപ്പെടാന് പാടില്ല.
ജനങ്ങള് അനാവശ്യമായി വീടുകളില് നിന്നും പുറത്തിറങ്ങാന് പാടില്ല. അത്യാവശ്യമായി പുറത്തിറങ്ങേണ്ട സാഹചര്യം ഉണ്ടായാല് മറ്റൊരു വ്യക്തിയില് നിന്നും ഒരു മീറ്റര് അകലം പാലിക്കണം. സിആര്പിസി 144 ല് നിഷ്കര്ഷിച്ചിട്ടുളളതിന് പ്രകാരം ഒരു സ്ഥലത്ത് അഞ്ചു പേരില് കൂടുതല് ആളുകള് കൂട്ടം കൂടിയാല് ഐപിസി 188 പ്രകാരം ശിക്ഷാര്ഹരാണ്.ബാങ്ക് അടക്കമുളള ധനകാര്യ സ്ഥാപനങ്ങള് സര്ക്കാര് ഉത്തരവ് പ്രകാരം മാത്രമേ പ്രവര്ത്തിക്കാന് പാടുളളു. എല്ലാ എടിഎം കൗണ്ടറുകളിലും ആവശ്യത്തിന് പണം ഉണ്ടെന്ന് ബാങ്കുകള് ഉറപ്പാക്കണം. ഉത്തരവിന് മാര്ച്ച് 31 അര്ധരാത്രി മുതല് ഏപ്രില് 14ന് അര്ധരാത്രി വരെ പ്രാബല്യം ഉണ്ടായിരിക്കുമെന്നും ജില്ലാ കളക്ടര് അറിയിച്ചു.
