വടകര: വീടുകളില് ഒറ്റപ്പെട്ട ബംഗാളി തൊഴിലാളികള്ക്ക് സഹായമെത്തിച്ച് ബിജെപി. കോഴിക്കോട് ജില്ലാ അദ്ധ്യക്ഷന് അഡ്വ.വി.കെ.സജീവന്റെ നേതൃത്വത്തിലുള്ള സംഘമാണ് ഇവര്ക്ക് തുണയായി എത്തിയത്. സിലിഗുരി ജില്ലയിലെ ഖോരിബാരി ബ്ലോക്കില് നിന്ന് മാത്രമുളളവരാണിവര്.
കോട്ടപ്പളളി, ചെമ്മരത്തൂര്, തോടന്നൂര്, കല്ലാച്ചി എന്നിവിടങ്ങളിലായി വീടുകളില് ഒറ്റപ്പെട്ട് കഴിയുകയായിരുന്ന ഇവര്ക്ക് പ്രാഥമികമായി വേണ്ട അവശ്യസാധനങ്ങള് എത്തിച്ചതോടൊപ്പം പ്രാദേശിക ഭരണ സംവിധാനവുമായി ബന്ധപ്പെടുത്തുകയും ശ്രദ്ധയില് പെടുത്തുകയും ചെയ്തു.
ഡാര്ജ്ജലിംഗ് എംപി രാജു ബിസ്തയാണ് യുവമോര്ച്ച ദേശീയ സെക്രട്ടറി അനൂപ് ആന്റണി മുഖേന വി.കെ.സജീവനുമായി ബന്ധപ്പെട്ട് 21 പേര് വിവിധ സ്ഥലങ്ങളില് ഒറ്റപ്പെട്ട് കഴിയുന്നതായി ശ്രദ്ധയില്പെടുത്തിയത്.
