ഗുബ്ബി(കര്‍ണാടക): ലോക്ഡൗണ്‍ ലംഘിച്ച് കൊച്ചു മകനൊപ്പം നിരത്തില്‍ കളിവണ്ടിയോടിച്ച് കര്‍ണ്ണാടക എംഎല്എ. ജെഡിഎസ് എംഎല്എ എസ്.ആര്‍. ശ്രീനിവാസ് ലോക്ഡൗണ്‍ നിയമം ലംഘിച്ച് റോഡ് തന്നെ കളിക്കാനായി ഉപയോഗിച്ചത്.
ഞായറാഴ്ച രാവിലെ റിമോര്‍ട്ട് കണ്‍ട്രോളില്‍ പ്രവര്‍ത്തിക്കുന്ന കളിവണ്ടിയില്‍ കൊച്ചുമകനെ ഇരുത്തി ഇയാള്‍ റോഡിലൂടെ നടക്കുന്ന ദൃശ്യങ്ങളും പുറത്തുവന്നിട്ടുണ്ട്. ഗുബ്ബി മണ്ഡലത്തല്‍നിന്നുള്ള ജെഡിഎസ് എംഎല്‍എയാണ് എസ്.ആര്‍. ശ്രീനിവാസ്.
അതേസമയം ഇയാള്‍ റോഡിലൂടെ കൊച്ചുമകനുമായി നടന്നു നീങ്ങുന്നത് പോലീസുകാര്‍ കാഴ്‌ച്ച്ക്കാരായി നോക്കി നിന്നുവെന്നും ആരോപണം ഉയര്‍ന്നിട്ടുണ്ട്.
21 ദിവസം കേന്ദ്ര സര്‍ക്കാര്‍ ലോക്ഡൗണ്‍ പ്രഖ്യാപിച്ചതിനെ തുടര്‍ന്ന് ജനങ്ങളോട് വീട്ടില്‍ നിന്നും പുറത്തിറങ്ങരുതെന്ന് കര്‍ശ്ശന നിര്‍ദ്ദേശമുണ്ട്. ഈ സാഹചര്യത്തിലാണ് ജനപ്രതിനിധി തന്നെ ഉത്തരവ് ലംഘിച്ചിരിക്കുന്നത്.
ശ്രീനിവാസനെതിരെ നിരവധി പേരാണ് വിമര്‍ശനവുമായി രംഗത്ത് എത്തിയിരിക്കുന്നത്. ഇയാള്‍ക്കെതിരെ മാതൃകാപരമായ നടപടി സ്വീകരിക്കണമെന്നും സമൂഹമാധ്യമങ്ങളില്‍ ആവശ്യം ഉയര്‍ന്നിട്ടുണ്ട്.
പ്രതികരിക്കാൻ ഇവിടെ എഴുതുക: