കലാകാരന്മാരെ ദുരിതാശ്വാസ പാക്കേജിൽ ഉൾപ്പെടുത്തണം

തിരുവല്ല: കേരളത്തിലെ നാടൻ കലാകാരൻമാർ, നൃത്ത നാടക കലാകാരൻമാർ, നാടൻ പാട്ട് കലാകാരൻമാരെ  ദുരിതാശ്വാസ പാക്കേജിൽ ഉൾപ്പെടുത്തണമെന്ന് സവാക്.  കഴിഞ്ഞപ്രളയവും ഇപ്പോൾ ഉണ്ടായ കൊറോണയും ഇത്തരം കലാകാരൻമാരെ ഏറെ ദുരിതത്തിലാക്കിയിരിക്കുകയാണ്. 

പൊതുവെ കലാകാരൻമാർ ബുദ്ധിമുട്ടിയാണ് ജീവിക്കുന്നത്. സർക്കാരിന്റെ ഭാഗത്തുനിന്നും അനുകൂല സമീപനം ഉണ്ടാകണമെന്ന് സ്റ്റേറ്റ് ആർട്ടിസ്റ്റ്‌സ് ആൻഡ് വർക്കേഴ്‌സ് അസോസിയേഷൻ ഓഫ് ഇന്ത്യ (സവാക് ഓഫ് ഇന്ത്യ) പത്തനംതിട്ട ജില്ല കമ്മിറ്റി ആവശ്യപ്പെട്ടു. 

ജില്ല ഭാരവാഹികളായ സജികുമാർ ഓതറ, പ്രകാശ് വള്ളംകുളം, കുരമ്പാല ശാർങ്ധരൻ ഉണ്ണിത്താൻ, മല്ലപ്പള്ളി ശശികുമാർ, സത്യൻ ഓതറ, എം. ജി. രാധാകൃഷ്ണൻ നായർ, സുനിൽ കുമാർ പുല്ലാട്, നാരങ്ങാനം രാധാകൃഷ്ണൻ നായർ എന്നിവർ സംസാരിച്ചു.