തിരുവനന്തപുരം: കൊറോണ വൈറസിനെതിരായ യുദ്ധത്തില് രാജ്യം നിര്ണായക ഘട്ടത്തിലേക്ക് കടക്കുമ്പോള് പ്രധാനമന്ത്രിയുടെ ആഹ്വാന പ്രകാരം ജനതാ കര്ഫ്യൂ ആചരിച്ച എല്ലാ ജനങ്ങള്ക്കും നന്ദി അറിയിക്കുന്നതായി ബിജെപി സംസ്ഥാന അധ്യക്ഷന് കെ.സുരേന്ദ്രന്.
പ്രതിസന്ധി ഘട്ടത്തെ അതിജീവിക്കാന് രാജ്യത്തെ ജനങ്ങള് ഐക്യത്തോടെ നില്ക്കുന്നതിന്റെ തെളിവാണ് ജനതാ കര്ഫ്യൂവിന്റെ വിജയമെന്ന് സുരേന്ദ്രന് പ്രസ്താവനയില് പറഞ്ഞു. കേന്ദ്ര സംസ്ഥാന സര്ക്കാരുകള് നല്കുന്ന നിര്ദ്ദേശങ്ങള് പാലിക്കാന് എല്ലാ ജനങ്ങളും തയ്യാറാകണം. വരും ദിവസങ്ങള് കൂടുതല് നിര്ണ്ണായകമാണ്.
വൈറസിനെതിരായ ഈ യുദ്ധത്തില് ഓരോ പൗരനും ഓരോ സൈനിക നാകണമെന്നാണ് പ്രധാനമന്ത്രി ആവശ്യപ്പെട്ടത്. നാമൊരുത്തരും വിചാരിച്ചാല് മാത്രമേ ഈ ദുരന്തത്തില് നിന്ന് കരകയറാനാകൂ. കൂടുതല് നിയന്ത്രണങ്ങളില് ജനങ്ങള് ആശങ്കപ്പെടരുത്. നിയന്ത്രണങ്ങള് നമ്മുടെ രക്ഷയ്ക്കു വേണ്ടിയാണ്. സുരേന്ദ്രന് പ്രസ്താവനയില് പറഞ്ഞു.
