ചെന്നൈ: തമിഴ്നാടിന്റെ തലസ്ഥാന നഗരമായ ചെന്നൈയില് ഒരാള്ക്ക് കൂടി കൊറോണ സ്ഥിരീകരിച്ചതോടെ സംസ്ഥാനത്ത് രോഗ ബാധിതരുടെ എണ്ണം ഏഴായി. സ്പെയിനില് നിന്ന് മടങ്ങിയെത്തിയ വ്യക്തിക്കാണ് രോഗം സ്ഥിരീകരിച്ചത്.
കഴിഞ്ഞ ദിവസം ചെന്നൈയിലെത്തിയ രണ്ട് തായ്ലന്ഡ് സ്വദേശികള്ക്കും ഒരു ന്യൂസിലന്ഡ് സ്വദേശിക്കുമുള്പ്പടെ മൂന്ന് വിദേശികള്ക്ക് രോഗം സ്ഥിരീകരിച്ചിരുന്നു. വൈറസ് വ്യാപകമാകുന്ന പശ്ചാത്തലത്തില് സംസ്ഥാനത്ത് അതീവ മുന്കരുതല് നടപടികളാണ് സ്വീകരിച്ചിരിക്കുന്നത്. ചെന്നൈയിലെ മറീന ബീച്ച് ഇതിനോടകം തന്നെ അടച്ചിട്ടുണ്ട്.
അതേസമയം കൊറോണ ബാധയെ തുടര്ന്ന് ബീഹാറില് 38കാരനും മുംബൈയില് 63കാരനും മരണമടഞ്ഞതോടെ രാജ്യത്ത് രോഗം ബാധിച്ച് മരിച്ചവരുടെ എണ്ണം ആറായി. ഇന്ത്യന് കൗണ്സില് ഫോര് മെഡിക്കല് റിസര്ച്ച് അസോസിയേഷന് പുറത്ത് വിട്ട കണക്കുകള് പ്രകാരം രാജ്യത്തെ കൊവിഡ് ബാധിതരുടെ എണ്ണം 341 ആയി. ലോകത്ത് ഇതുവരെ കൊവിഡ് ബാധയില് മരിച്ചവരുടെ എണ്ണം 13000 കടന്നു.
