ലഖ്നൗ: പ്രശസ്ത ബോളിവുഡ് ഗായിക കനിക കപൂറിന് കൊറോണ വൈറസ് ബാധ സ്ഥിരീകരിച്ചു. കനികയ്ക്കൊപ്പം വിരുന്നില് പങ്കെടുത്ത രാജസ്ഥാന് മുന് മുഖ്യമന്ത്രി വസുന്ധരരാജെ സിന്ധ്യ, മകനും എംപിയുമായ ദുഷ്യന്ത് സിങ് എന്നിവരടക്കം നിരവധി പ്രമുഖര് സ്വയം നിരീക്ഷണത്തിലാണ്.
പത്തു ദിവസം മുന്പ് ലണ്ടനില് നിന്ന് മടങ്ങിയെത്തിയ കനികയ്ക്ക് നാല് ദിവസം മുന്പാണ് രോഗലക്ഷണങ്ങള് കണ്ടു തുടങ്ങിയത്. രോഗം സ്ഥിരീകരിച്ചതായി ഇന്നലെ കനിക സമൂഹ മാധ്യമത്തിലൂടെ അറിയിച്ചു.
പിന്നാലെ താനും മകനും പങ്കെടുത്ത പരിപാടിയില് കനികയും അതിഥിയായിരുന്നുവെന്നും അതിനാല് ക്വാറന്റൈനില് പ്രവേശിക്കുകയാണെന്നും വസുന്ധരരാജെ സിന്ധ്യ ട്വിറ്ററിലൂടെ അറിയിച്ചു.
കനികയ്ക്കൊപ്പം പരിപാടിയിലുണ്ടായിരുന്ന ഉത്തര്പ്രദേശ് ആരോഗ്യമന്ത്രി ജയ്പ്രതാപ് സിങ്ങും ഐസൊലേഷനിലാണ്. ദുഷ്യന്ത് സിങ്ങിനൊപ്പം പാര്ലമെന്റില് രണ്ടര മണിക്കൂര് തൊട്ടടുത്ത് സീറ്റിലിരുന്ന തൃണമൂല് എംപി ഡെറിക് ഒബ്രെയ്നും ഐസൊലേഷനിലാണ്.
ലണ്ടനില് നിന്ന് മടങ്ങിയെത്തിയ ശേഷം കാണ്പൂരില് ഒരു പരിപാടിയിലും ലഖ്നൗവില് രണ്ട് പരിപാടികളിലും കനിക പങ്കെടുത്തിരുന്നു. ഈ പരിപാടികളില് നാനൂറോളം പേരുണ്ടായിരുന്നതായും കനികയുടെ അച്ഛന് രാജീവ്
കപൂര് പറഞ്ഞു.
