ലാഹോര്: കോവിഡ് 19 രോഗത്താല് വലഞ്ഞ് പാക് ജനത. 733 പേര്ക്കാണ് പാക്കിസ്ഥാനില് കൊറോണ സ്ഥിരീകരിച്ചിരിക്കുന്നത്. പരിഭ്രാന്തിയിലായ ജനങ്ങള് അടിയന്തിര നടപടി സ്വീകരിക്കാന് ഇമ്രാന്ഖാനോട്് ആവശ്യപ്പെട്ടു. ലോക്ഡൗണ് ചെയ്യുന്നത് അടക്കമുള്ള നടപടികള് എത്രയും വേഗം സ്വീകരിക്കണമെന്നാണ് ആവശ്യം.
ഇറ്റലിയിലെ അവസ്ഥ ചൂണ്ടിക്കാട്ടിയാണ് പാക് സര്ക്കാര് എത്രയും വേഗം നടപടി സ്വീകരിക്കണമെന്നുള്ള ആവശ്യമുയര്ന്നിരിക്കുന്നത്. അതേസമയം കൊവിഡ് 19 വൈറസ് ബാധയെ നേരിടുന്നതില് പാക് സര്ക്കാര് വലിയ വീഴ്ച വരുത്തിയതായും ആരോപണങ്ങള് ഉയര്ന്നിട്ടുണ്ട്. പ്രതിരോധത്തിന്റെ ഭാഗമായി ശനിയാഴ്ച എല്ലാ രാജ്യാന്തര വിമാനസര്വ്വീസുകളും പാകിസ്ഥാന് റദ്ദ് ചെയ്തിരുന്നു.
കൊറോണ റിപ്പോര്ട്ട് ചെയ്ത് ദിവസങ്ങള്ക്കുള്ളില് തന്നെ പാക്കിസ്ഥാനില് മൂന്ന് പേരാണ് മരണമടഞ്ഞത്. അഞ്ച് പേര്ക്ക് അസുഖം ഭേദമായി.
രാജ്യം ലോക്ഡൗണ് പ്രഖ്യാപിക്കണമെന്ന ആവശ്യവുമായി ട്വിറ്ററില് ക്യാമ്പയിനും ആരംഭിച്ചിട്ടുണ്ട്. ഇതിനകം 11,000 പേരാണ് ഈ ക്യാമ്പയിനില് അഭിപ്രായം രേഖപ്പെടുത്തിയത്. അതില് 70 ശതമാനവും ലോക്ഡൗണ് പ്രഖ്യാപിക്കണമെന്ന ആവശ്യത്തെ പിന്തുണയ്ക്കുന്നവരാണ്. എന്നാല് ലോക്ഡൗണ് പ്രഖ്യാപിക്കുന്നതിനോട് അനുകൂല നിലപാടല്ല ഇമ്രാന് ഖാന് സ്വീകരിച്ചിരിക്കുന്നത്. വിഷയത്തോട് ഇതുവരെ പാക് പ്രധാനമന്ത്രി പ്രതികരിച്ചിട്ടില്ല.
ലോകത്ത് കൊവിഡ് 19 ബാധിച്ചുള്ള മരണം 13,000 കടന്നു. മൂന്ന് ലക്ഷത്തോളം പേരെയാണ് ഇതുവരെ രോഗം ബാധിച്ചത്. അയ്യായിരത്തിലേറെ പേരാണ് യൂറോപ്പില് മാത്രം മരിച്ചത്. 24 മണിക്കൂറിനിടെ ഇറ്റലിയില് മാത്രം 793 പേരാണ് മരിച്ചത്.
